Porto deportivo de Ribadeo
Coordenadas: 43°32′24″N 7°02′12″O / 43.54, -7.0366666666667
![](http://upload.wikimedia.org/wikipedia/commons/thumb/1/1a/Ribadeo%2C_Porto_deportivo_100-3%283h%29.jpg/220px-Ribadeo%2C_Porto_deportivo_100-3%283h%29.jpg)
O porto deportivo de Ribadeo, coñecido historicamente como porto de Porcillán, é un porto deportivo da vila de Ribadeo, na Mariña lucense. Atópase localizado en Porcillán, no interior da ría de Ribadeo, na cara sur da ponte dos Santos da autovía A-8. É un dos dous portos deportivos con Bandeira Azul que existen na provincia de Lugo.[1]
![Porto deportivo de Ribadeo, dende a Ponte dos Santos](http://upload.wikimedia.org/wikipedia/commons/thumb/0/0b/Porto_deportivo_de_Ribadeo%2C_dende_a_Ponte_dos_Santos.jpg/220px-Porto_deportivo_de_Ribadeo%2C_dende_a_Ponte_dos_Santos.jpg)
Se ben Porcillán foi o tradicional porto de Ribadeo, coa construción do Porto de Mirasol para adicalo a actividades comerciais, o peirao quedou adicado á pesca. Despois, coa creación do porto deportivo e as súas sucesivas ampliacións, a actividade pesqueira tamén foi trasladada a outra zona, o porto pesqueiro, quedando Porcillán só adicado a actividades deportivas e como atraque das lanchas que atravesan a ría con pasaxeiros.
![Peirao de Porcillán Víctor Moro Rodríguez sobre a ría de Ribadeo](http://upload.wikimedia.org/wikipedia/commons/thumb/f/ff/Peirao_de_Porcill%C3%A1n_V%C3%ADctor_Moro_Rodr%C3%ADguez_sobre_a_r%C3%ADa_de_Ribadeo.jpg/220px-Peirao_de_Porcill%C3%A1n_V%C3%ADctor_Moro_Rodr%C3%ADguez_sobre_a_r%C3%ADa_de_Ribadeo.jpg)
Ten 622 amarres e pertence ao ente público Portos de Galicia.[2] Está xestionado polo Real Club Náutico de Ribadeo, fundado en 1974 e que ten a súa sede xunto ao porto.
![Inscrición no peirao.](http://upload.wikimedia.org/wikipedia/commons/thumb/a/ae/Porcill%C3%A1n_%28Peirao%29.001_-_Ribadeo.jpg/220px-Porcill%C3%A1n_%28Peirao%29.001_-_Ribadeo.jpg)
A canle de acceso ós portos de Ribadeo necesita ser dragado periodicamente. en 2019 presupostanse medio millón de euros para facer o dragado, coa retirada duns 43 000 m3 de area cara a Mirasol e uns 4 300 na dársena do porto deportivo.[3]
Notas[editar | editar a fonte]
- ↑ Playas de bandera azul 2016: Galicia, con 123, es la segunda comunidad con más número de enseñas La Voz de Galicia, 6/5/2016.
- ↑ Porto de Ribadeo Portos de Galicia
- ↑ "Otro dragado mejorará el calado en el canal de la ría y en el náutico ribadense". La Voz de Galicia (en castelán). 2019-03-03. Consultado o 2019-03-03.
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
![]() |
Wikimedia Commons ten máis contidos multimedia na categoría: Porto deportivo de Ribadeo |