Porto, As Maus, Vilar de Barrio

Na Galipedia, a Wikipedia en galego.
Porto

Editar o valor em Wikidata
ParroquiaAs Maus
ConcelloVilar de Barrio
Coordenadas42°10′35″N 7°35′35″O / 42.176294444444, -7.5931194444444Coordenadas: 42°10′35″N 7°35′35″O / 42.176294444444, -7.5931194444444
Poboación83 hab. (2018)
editar datos en Wikidata ]


Porto é un lugar da parroquia das Maus, no concello ourensán de Vilar de Barrio. Tiña 83 habitantes no ano 2018 segundo datos do Instituto Nacional de Estadística, dos cales 43 eran homes e 40 eran mulleres.

Está situado preto da Serra de San Mamede, na cal nace o río Arnoia, que separa Porto e Alemparte.

Clima[editar | editar a fonte]

Porto posúe un clima suave pasando a frío. Podería cualificarse coma clima de montaña durante o inverno e coma clima de interior ou mediterráneo suave durante o verán. A serra que rodea a aldea pode estar nevada nos meses de inverno, o cal sumado a estaren preto do río pode facer que a sensación térmica sexa máis intensa ca o marcado nos termómetros. No verán, en cambio, é habitual chegar a temperaturas moi elevadas.

Patrimonio[editar | editar a fonte]

Na aldea hai unha pequena capela de finais do século XVIII. Pódense ver diversos hórreos e muíños por toda a zona; aínda que a meirande parte están en desuso. Ademais no monte do Castro de Porto encóntranse uns restos que mesmo poderían ser dun poboado castrexo, o cal está sen confirmar. Tamén existen vestixios castrexos na Cruz de San Martiño, onde atopamos un xeito moi estendido de cristianizar poñendo un símbolo novo nunha zona de restos anteriores.

Historia[editar | editar a fonte]

Segundo o catastro de Ensenada, de 1753, o couto de Alemparte formaba parte da xurisdición do conde de Maceda, mentres que os lugares de Porto e Parada da do Conde de Monterrei.

Festividades[editar | editar a fonte]

Porto e Alemparte celebran a festa na honra de santo Antón a mediados do mes de xaneiro.

Lugares e parroquias[editar | editar a fonte]

Lugares das Maus[editar | editar a fonte]

Lugares da parroquia das Maus no concello de Vilar de Barrio (Ourense)

Alemparte | Barrán | As Maus | Parada | Porto | San Pedro

Parroquias de Vilar de Barrio[editar | editar a fonte]

Galicia | Provincia de Ourense | Parroquias de Vilar de Barrio

A Alberguería (Santa María) | Arnuíde (Santa María) | Bóveda (Santa María) | As Maus (San Pedro) | Padreda (San Miguel) | Prado (Santa Cruz) | Rebordechau (Santa María) | Seiró (San Salvador) | Vilar de Barrio (San Pedro Fiz)