Ponte de Mostar
| Barrio da Ponte Vella no centro histórico de Mostar | |
|---|---|
 A Ponte Vella de Mostar no ano 2004. | |
| Patrimonio da Humanidade - UNESCO | |
| País |  Bosnia e Hercegovina |
| Localización | Coordenadas: 43°20′14″N 17°48′54″L / 43.337277777778, 17.815027777778 |
| Tipo | Cultural |
| Criterios | VI |
| Inscrición | 2005 (29ª sesión) |
| Rexión da UNESCO | Europa e América do Norte |
| Identificador | 946 |
A Ponte Vella (en bosníaco: Stari Most) é unha ponte construída no século XVI durante o Imperio Otomán, localizada na cidade de Mostar, en Bosnia e Hercegovina. Cruza o río Naretva e une as dúas partes da cidade.
Está considerada unha peza exemplar da arquitectura islámica nos Balcáns, e é un dos símbolos máis recoñecidos do país.
Historia[editar | editar a fonte]
A ponte, que data do século XVI, sempre foi considerada un símbolo da época otomá de Bosnia e Hercegovina. Ten unha anchura de tres metros e unha lonxitude de 30. Ás dúas beiras levántanse dúas torres, a Halebija e a Tara, engadidas no século XVII.
Guerra de Bosnia[editar | editar a fonte]
O 9 de novembro de 1993 foi destruída durante a guerra de Bosnia. Slobodan Praljak, o comandante do Consello Croata de Defensa que ordenou a súa destrución, suicidouse en 2017 ante o tribunal TPII que ratificaba a súa condena a 20 anos de prisión por dita acción, así como por outros cargos.[1][2]
As dúas beiras da cidade estiveron ligadas ata a reconstrución por unha ponte provisional, deseñada por enxeñeiros militares españois e portugueses
Reconstrución[editar | editar a fonte]
Coa chegada da paz iniciáronse os traballos de reconstrución, baixo a colaboración da Unesco e de organizacións de rescate de Patrimonio da Humanidade. A nova ponte foi inaugurada o 23 de xullo de 2004 e o seu custo foi de aproximadamente 15 millóns e medio de dólares.[3]