Pobo tibetano

Pobo tibetano
Homes e mulleres tibetanos cos traxes tradicionais.
Poboación
Poboación total: Total: 7 800 000
Rexións principais:
Rexión Autónoma do Tíbet, Qinghai, Sichuan, Yunnan e Gansu China	7,5 millóns
India	120 000
Nepal	20 000 - 40 000
Estados Unidos	9 000
Canadá	7 500
Bután	5 000
Suíza	4 000
Aspectos culturais
Lingua	Linguas tibéticas, tibetano e mandarín
Relixión	Budismo tibetano, bön
Grupos relacionados	Quiang, butaneses, ladakh, balti e burig

Os tibetanos (en tibetano: བོད་པ་) son un grupo étnico nativo do Tíbet. O seu número é dun 7,8 millóns de persoas. A maior poboación vive Rexión Autónoma do Tíbet, e noutras provincias da República Popular da China, como Qinghai, Sichuan, Yunnan e Gansu. Fóra da China, existen importantes minorías na India, no Nepal e en Bután.

Os tibetanos falan varias linguas tibéticas, das cales, moitas variedades son mutuamente inintelixibles. Pertencen á familia de linguas tibetobirmanas. A explicación tradicional e mitolóxica da orixe do pobo tibetano é que son descendentes do humano Pha Trelgen Changchup Sempa e da ogresa das rochas Ma Drag Sinmo. Crese que moitos dos falantes tibetobirmanos do suroeste da China, incluíndo os tibetanos, son descendetes directos dos antigos Qiang. A maioría dos tibetanos practica o budismo tibetano, malia que algúns practican á relixión bön e existe unha pequena minoría musulmá. O budismo tibetano influíu en moitos aspectos culturais do pobo, como a arte tibetana, o drama e a arquitectura.