Pobo marubo
| Pobo marubo | |
|---|---|
| Poboación | |
| Poboación total: 2008 (datos de 2014)[1] | |
| Rexións principais: | |
| Aspectos culturais | |
| Lingua | Lingua marubo |
| Relixión | animismo |
| Grupos relacionados | Pobo matsés, pobo matis e pobo korubo |
O pobo marubo é pobo indíxena que vive principalmente na selva tropical do Amazonas, no oeste do Brasil, especificamente no Territorio Indíxena do val do río Yavarí.
Historia
[editar | editar a fonte]As orixes do pobo marubo non están definitivamente documentadas, pero segundo a súa propia tradición, a súa lingua marubo orixinouse entre os chaináwavo, un subgrupo hoxe extinto dos marubos. Isto suxire unha interacción cultural significativa entre os chaináwavo e outros subgrupos de marubos no pasado, e implica que os marubos poden terse desenvolvido a partir de varias tribos que converxían culturalmente ou unha tribo que se dispersou e diversificou ao longo do tempo.[2]
Relixión
[editar | editar a fonte]Arredor do 70% dos membros do pobo marubo son animistas, o 29,6% son católicos e o 0,4% son cristiáns evanxélicos.[3]
Actividades económicas
[editar | editar a fonte]Os marúbos adoitan cazar con armas de fogo monos araña, Lagothrix lagothricha, pecarís de colar e, ocasionalmente, tapires e pecarís de barba branca. Tamén practican pesca con anzol e cana.[2] Os marubos tamén atrapan monos que manteñen como mascotas.[4]
Na sociedade marubo, as mulleres teñen diversas responsabilidades como atender as parcelas agrícolas, cociñar, recoller plátanos e mandioca e dedicarse á pintura corporal. Tamén elaboran contas, hamacas e roupa. De maio a setembro, os marubo colleitan látex das árbores, mentres que o resto do ano dedícase á colleita de madeira. Estes produtos véndense ben aos comerciantes fluviais con ánimo de lucro ou directamente ás cidades locais. Os marubos compran bens nunha tenda que operan misioneiros dentro da súa comunidade.[5]
Notas
[editar | editar a fonte]- ↑ Instituto Socioambiental (ed.). "Quadro Geral dos Povos". Consultado o 2 de setembro de 2017.
- ↑ 2,0 2,1 "Marubo - Indigenous Peoples in Brazil". pib.socioambiental.org. Consultado o 2024-06-12.
- ↑ Project, Joshua. "Marubo in Brazil". joshuaproject.net (en inglés). Consultado o 2024-06-12.
- ↑ Nicas, Jack; Moriyama, Victor (2024-06-02). "The Internet’s Final Frontier: Remote Amazon Tribes". The New York Times (en inglés). ISSN 0362-4331. Consultado o 2024-06-20.
- ↑ "Marubo". www.amazon-indians.org. Consultado o 2024-06-12.
