Caracterízase por ter unha mancha esbrancuxada, a xeito de barba, na base da boca ou arredor dos beizos.[1] Ten unha altura media, na cernella, de 55cm, e unha lonxitude de 90 a 139cm. O adulto rolda entre 25 e 40kg.
É un animal diúrno e vive en inmensas mandas, de 50 a 300 individuos. En certas épocas do ano, nalgunhas zonas, as mandas grandes divídense en grupos máis cativos de acordo coa distribución e abundancia dos alimentos ou a presenza de depredadores.[2][3]
Hai probas de intercambios de individuos entre mandas veciñas e de apareamentos entre macho e femia de diferente manda.[2] A xestación dura arredor de 250 días, despois dos cales nacen unha ou dúas crías.[3]
É omnívoro e, aínda que prefire consumir froitas,[2] tamén se alimenta de raíces, tubérculos, noces, herba e invertebrados.
↑Emmons, Louise H. & Francois Feer (1997) Neotropical Rainforest Mammals, A Field Guide. University of Chicago Press. 0-226-20721-8.
123Keuroghlian, A., Desbiez, A., Reyna-Hurtado, R., Altrichter, M., Beck, H., Taber, A. & Fragoso, J.M.V. (2013) Tayassu pecari; The IUCN Red List of Threatened Species, Versión 2014.2. Consultado o 26 de xullo de 2014.
