Plataforma Cívica
| Platforma Obywatelska Plataforma Cívica |
|
|---|---|
| Logo de Plataforma Cívica | |
 |
|
| Dirixentes e organización | |
| Líder | Ewa Kopacz |
| Historia | |
| Fundación | 19 de xaneiro de 2001 1 |
| Posicións políticas | |
| Ideoloxía | Centro dereita, conservadorismo, liberalismo, democracia cristiá, europeismo |
| Outros datos | |
| Sede | ul. Władysława Andersa 21 00-159, Varsovia |
| Páxina web | www.platforma.org |
| 1 A partir de sectores da Alianza Democrática da Dereita e do Partido Conservador-Popular. |
|
A Plataforma Cívica (en polaco: Platforma Obywatelska, abreviado PO) é o principal partido político de centro-dereita de Polonia, o cal defende ideas europeístas, liberais e democristiás. Foi o partido gañador das eleccións xerais de 2007.
Historia[editar | editar a fonte]
Fundado o 19 de xaneiro de 2001, a maior parte do seus membros foran membros da UW (Alianza da Liberdade - Unia Wolności) e a AWS (Solidariedade-Alianza Democrática da Dereita - Akcja Wyborcza Solidarność). O partido PO estaba formado por Donald Tusk UW, Maciej Płażyński Solidariedade-AWS e Andrzej Olechowski. Durante as eleccións xerais de 2001 a Plataforma Cívica obtivo un 12,68% dos votos e 65 escanos no Sejm (o parlamento polaco, Sejm, ten 460 escaños). Nas eleccións de 2005 obtivo un 24,14%, 133 escanos e 34 senadores (sobre 100).
O presidente da Plataforma Cívica é Donald Tusk. No partido tamén están Jan Rokita, Bronisław Komorowski, Zbigniew Chlebowski, Hanna Gronkiewicz-Waltz, Stefan Niesiołowski, Grzegorz Schetyna e Jerzy Buzek.
O programa[editar | editar a fonte]
A Plataforma Cívica defende a economía liberal. As súas propostas económicas van orientadas a baixar os impostos e introducir o imposto liñal (en polaco podatek liniowy). Quere liquidar o Senado (Senat) e limitar a burocracia. Postula a loita contra a corrupción e maila delincuencia. O partido apoia a integración na Unión Europea (UE). No eido social, oponse á eutanasia, o matrimonio homosexual e maila legalización das drogas.
Resultados electorais[editar | editar a fonte]
Nas eleccións xerais de 2007 obtivo a victoria tanto en escanos coma en votos con máis dun 40%.
