Pico Basilé
| Pico Basilé | |
|---|---|
| Altitude | 3.011 m |
| Latitude | 03° 35′ N |
| Lonxitude | 8° 45′ O |
| Rexión | Bioko (Guinea Ecuatorial) |
| Montaña | Bioko |
| Primeiro ascenso | ? |
| Tipo de volcán | Volcán de escudo, activo |
O Pico Basilé (antigo Pico de Santa Isabel) é un volcán e a maior montaña da illa de Bioko, e ao tempo da Guinea Ecuatorial, país do que forma parte, cunha altura de 3.011 m.s.n.m..
Xeoloxía[editar | editar a fonte]
O Basilé é o cume máis alto dos tres volcáns de escudo basálticos que conforman a illa de Bioko. Desde a súa cima é visíbel a nordeste o Monte Camerún.
A illa de Bioko formouse na liña do Camerún, unha grande falla xeolóxica disposta desde o océano Atlántico até Camerún e de aí até o Chad. Na liña inclúense outras illas volcánicas do golfo da Guinea, como Annobón, Príncipe e San Tomé, e, por suposto, o macizo volcánico do monte Camerún.
Erupcións[editar | editar a fonte]
Os rexistros de erupcións son pouco claros, aínda que se sabe que durante o XIX hóuboas. A última ben rexistrada corresponde a 1923.
Accesibilidade[editar | editar a fonte]
O acceso até as inmediacións da cima está facilitado por unha estrada estatal.
