Philippe Riboud

Philippe Riboud, nado en Lión o 9 de abril de 1957, é un tirador de esgrima francés, xa retirado, gañador de seis medallas olímpicas.

Traxectoria[editar | editar a fonte]

Participou con 19 anos nos Xogos Olímpicos de 1976 celebrados en Montreal, rematando noveno na proba por equipos na modalidade de espada e trinta e sete na proba individual. Nos Xogos Olímpicos de 1980 de Moscova gañou a medalla de ouro na proba por equipos e a medalla de bronce na individual. Nos Xogos Olímpicos de 1984 dos Ánxeles revalidou a medalla de bronce na proba individual e gañou a medalla de prata por equipos. Finalmente, nos Xogos Olímpicos de 1988 de Seúl, onde foi o abandeirado da delegación francesa, gañou a medalla de ouro na proba por equipos e prata na individual.

Ao longo da súa carreira gañou oito medallas no Campionato do Mundo de Esgrima, tres delas de ouro.