Petrópolis

Petrópolis

Localización
22°30′18″S 43°10′44″O
Estado	Brasil
Unidades da federación	Estado do Río de Xaneiro
Poboación
Poboación	278.881 (2022) (360,03 hab./km²)
Xeografía
Superficie	774,606 km²
Altitude	838 m-872 m
Comparte fronteira con	Areal (pt) Paraíba do Sul (pt) Paty do Alferes (pt) São José do Vale do Rio Preto (pt) Miguel Pereira (pt) Guapimirim (pt) Magé (pt) Duque de Caxias Teresópolis
Creación	1843
Organización política
Órgano lexislativo	Câmara Municipal de Petrópolis (pt) , (Escano: 13)
Identificador descritivo
Código postal	25680-000
Fuso horario	UTC−03:00, horario estándar UTC−02:00, horario de verán
Prefixo telefónico	24
Código de concello do Brasil	3303906
Outro
Irmandado con	Sintra
Sitio web	petropolis.rj.gov.br

Petrópolis é unha cidade brasileira situada no Estado do Río de Xaneiro, nas montañas da Serra dos Órgãos. Ten unha área de 774,606 km² e unha poboación estimada de 302.477 habitantes para o ano de 2004. Sitúase a uns 68 km da capital do estado, Río de Xaneiro pola estrada BR-040 e a 463 km da cidade de São Paulo.

Historia

Foi a primeira cidade proxectada do Brasil. Antes de ser construída, a rexión era coñecida como Fazenda do Córrego Seco, e servía como pasaxe do Río de Xaneiro ao estado de Minas Gerais. Chámase Petrópolis (ou sexa, a cidade de Pedro) en homenaxe ao seu fundador, o emperador Pedro II. O clima agradable da rexión atraiu a Familia Real brasileira, que alí construíu a súa estancia de verán. Para acoller a corte foron construídos moitos palacios e construcións luxosas. Ademais, foron "importadas" 600 familias de inmigrantes alemáns no século XIX para colonizar a área.

Museo Imperial de Petrópolis, na antiga vivenda de verán do Emperador Pedro II

Aínda hoxe os descendentes da familia real teñen terras na rexión.

Economía

O seu agradable clima, as súas construcións históricas, e a abundante vexetación da Serra dos Órgãos e as súas montañas serven como grandes atractivos turísticos. Ademais, a cidade posúe un activo comercio e servizos e tamén produción agropecuaria (na que destacan as plantacións de froitas de clima temperado) e industrias.

Turismo

Palacio de Cristal. Construído como unha estufa para exposicións de plantas

• Museo Imperial
• Palacio de Cristal
• Palacio Quitandinha
• Casa de Santos Dumont
• Palacio Río Negro
• Casa da Princesa Isabel
• Catedral de San Pedro de Alcántara
• Palacio Amarelo
• Palacio Grão Pará
• Trono de Fátima
• Casa de Joaquim Nabuco
• Florália
• Morro Açu (Parque Nacional da Serra dos Órgãos)

Véxase tamén

Ligazóns externas

• Prefeitura de Petrópolis (páxina oficial)