Pazo de Fefiñáns

Na Galipedia, a Wikipedia en galego.
Saltar ata a navegación Saltar á procura
Pazo de Fefiñáns
Cambados Pazo de Fefiñans3.jpg
ConcelloCambados
ProvinciaPontevedra
ComunidadeGalicia
Coordenadas42°31′08″N 8°48′49″O / 42.518952, -8.8136Coordenadas: 42°31′08″N 8°48′49″O / 42.518952, -8.8136
Estilo arquitectónico
Estilo orixinal(Barroco, século XVI)
Estilo actual(Barroco, Post-renacentista, século XVII)
Estado actualen bo estado
Véxase tamén
Pazos de Galicia
editar datos en Wikidata ]

O Pazo de Fefiñáns é unha construción civil situada no barrio de Fefiñáns, en Cambados, na comarca do Salnés. Pecha polo sur e o leste a praza máis destacada desta vila, a praza de Fefiñáns. De aire clásico, integra un harmonioso conxunto coa súa arcada, torre da homenaxe e a veciña igrexa de San Bieito, ó norte.

Historia[editar | editar a fonte]

Cambados Pazo de Fefiñans.jpg

O nome provén do xenitivo dun posuidor xermánico, Fefilianis[1], de onde deriva tamén o nome da praza.

Foi construído no século XVI por don Juan Sarmiento Valladares, conselleiro de Filipe II. Sufriu novos engadidos no século XVII, encargados polo primeiro vizconde de Fefiñáns, Gonzalo Valladares (1583-1659), que obtivo o Vizcondado no 1647. Sucedeuno don Fernando (1616-1675), que a principios do século encargou a construción principal do Pazo. Máis tarde pasou á propiedade dos marqueses de Figueroa,[1] caso de Benito Pardo de Figueroa[2]. Na fachada do poderoso edificio pódense ver os escudos das familias nobiliarias.

Vista dende un patio interior.

No verán do 2008 procedeuse a unha limpeza e recuperación integral do edificio, tras un acordo coa Consellería de Vivenda, que incluía a apertura ao público do pazo [3]. En xuño de 2011, a Xunta de Galicia iniciou os trámites para declarar ao pazo Ben de Interese Cultural[4], dez anos despois de que o conxunto histórico de Cambados entrara nesa categoría. O proceso rematou en agosto de 2012, coa declaración do pazo como ben protexido.

Adega[editar | editar a fonte]

Dende o 1904 está documentada a existencia da súa adega, con marca rexistrada no 1928, e que a día de hoxe comercializa viño albariño baixo a marca Palacio de Fefiñanes.

Estilo[editar | editar a fonte]

O pazo conxuga elementos barrocos con outros italianos post-renacentistas.[1]

Galería de imaxes[editar | editar a fonte]

Vista do pazo. 
Torre. 
Inscrición na torre. 
 
Escudo. 
Salón interior. 
Salón interior. 

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]