Salario
A relación entre salario e desemprego é inversa, o pleno emprego contribúe á mellora xeneralizada dos salarios, condicións de traballo, consumo e demanda agregada; cifras altas de desemprego supoñen o empeoramento dos salarios, así como do resto de indicadores.[1][2]
O salario, paga, haberes, soldada ou soldo[3] é a suma de diñeiro que recibe de forma periódica un traballador do seu empregador por un tempo de traballo determinado ou pola realización dunha tarefa específica ou fabricación dun produto determinado. O pago pode ser mensual, semanal ou diario e, neste último caso, recibe o nome de xornal, do termo xornada.
Legalmente, considérase salario a totalidade das percepcións económicas dos traballadores —en diñeiro ou en especie— pola prestación profesional dos servizos laborais por conta allea, xa retribúan o traballo efectivo, calquera que sexa a forma de remuneración, ou os períodos de descanso computábeis como de traballo.[4]
Polo tanto, exclúse ao traballador por conta propia (o autónomo). Así mesmo, o salario non só retribúe o "traballo efectivo" senón tamén os períodos de descanso computábeis como de traballo: descanso semanal, festas laborais, permisos retribuídos e as vacacións anuais.
A amplitude da noción legal de salario permite afirmar a existencia dunha presunción iuris tantum de que todo (a "totalidade") o que recibe o traballador se lle debe en concepto de salario.[5]
Etimoloxía[editar | editar a fonte]
O termo salario deriva do latín salārium, substantivo neutro derivado de salārius, "de, ou pertencente ao sal". A conexión semántica entre ambas as palabras é incerta. Nos séculos XVIII e XIX, varios autores propuxeron unha abreviación da locución salārium argentum ("prata salgada" ou "diñeiro do sal"),[6][7] pero esta frase non se encontra testemuñada. A etimoloxía popular máis estendida é aquela que explica esta locución como "diñeiro feito de sal", supoñendo que a paga dos soldados romanos consistía en sal debido ao seu alto prezo; esta afirmación non ten ningunha base histórica, debido tanto a que non se encontran rexistrados pagos feitos total ou parcialmente con sal na antigüidade clásica, como a que o valor do sal era moito menor que o dos metais preciosos cos que se acuñaban moedas. Algúns autores modernos propoñen no seu lugar que a frase podería significar "prata para comprar sal [e varios outros produtos]"; esta teoría é máis plausíbel, aínda que permanece sen unha comprobación clara.[8]
Notas[editar | editar a fonte]
- ↑ Los componentes del pleno empleo. Una perspectiva macroeconómica, por Francisco Gómez García, ICE nº 2784, 2003
- ↑ David Anisi, Creadores de escasez. Del bienestar al medio, Alianza Editorial, 1995, ISBN 84-206-9434-7, pp. 40 e ss.
- ↑ Definicións no Dicionario da Real Academia Galega e no Portal das Palabras para salario.
- ↑ Artigo 26.1 do Estatuto de los Trabajadores (España).
- ↑ Ignacio, Garcia-Perrote Escartín (2017): Manual de Derecho del Trabajo (7ª edición). Valencia: Tirant lo Blanch. ISBN 84-9169-369-6, p. 420.
- ↑ Facciolati e Porcellini (1771). "4". Totius Latinitatis lexicon (en latín) (1 ed.). p. 15.
Salarium, ii ...: proprie est annona salis, quae olim dabatur militibus.
- ↑ Lewis e Short (1879). A Latin Dictionary (en inglés). Harper & Brothers. p. 1618.
B. sălārĭum, ii, n. (sc. argentum; cf.: calcearium, congiarium, vestiarium, etc.); orig., the money given to the soldiers for salt, salt-money; hence, post-Aug. (v. Dio Cass. 52, 23, and 78, 22), in gen., a pension, stipend, allowance, salary (cf.: honorarium, annuum, merces, stipendium)
- ↑ Gainsford, Peter (11 de xaneiro de 2017). "Salt and salary: were Roman soldiers paid in salt?".
Véxase tamén[editar | editar a fonte]
 |
Wikimedia Commons ten máis contidos multimedia na categoría: Salario |
 |
Vexa a entrada do Galizionario acerca de Salario |
