Paco Ledo

Na Galipedia, a Wikipedia en galego.
Saltar ata a navegación Saltar á procura
Paco Ledo
Pacoledofoto.jpg
Nacemento11 de febreiro de 1952 (66 anos)
LugarMariz Chantada Galicia Galicia
NacionalidadeEspaña
Ocupaciónpoeta
XénerosPoesía
editar datos en Wikidata ]

Francisco Ledo López, máis coñecido como Paco Ledo, nado en Mariz o 11 de febreiro de 1952, é un poeta en lingua galega.

Traxectoria[editar | editar a fonte]

Libros de Paco Ledo

Paco Ledo traballou de gandeiro na contorna de Chantada ata a súa xubilación en 2012. A súa poesía é popular, labrega, rural e fai referencia ás serras chantadinas, ás ribeiras, ás tradicións da Ribeira Sacra.

Participa no Roteiro das Artes-Internacional con publicacións colectivas en Mozambique, Brasil...[1]. En 1977 publicou Poesía dun labrego, 53 poemas con limiar de Xosé Moreiras Santiso[2]:

Collede con moito agarimo este fatiño de poemas. Son dun labrego, dun poeta aínda sen facer (...). Agromaron nunha leira sen estercar. (...) Ao falarnos de Galicia, da emigración, dos camiños, dos montes, da Virxe, da moza... laia e berra, é o salouco dun galego esquecido, dun labrego esmagado, dun traballador alienado.

En 1978 e 1979 publicou varios poemas na revista Norte de Castilla. Tamén colaborou coa revista Xistral e o xornal El Progreso.

En 2011 publicou en Internet Poemas baixo o pseudónimo de Martín do Pacio e con prólogo de Celso Almuíña[3]:

Pensar, sentir, vivir e soñar é unha mestura de tempos e culturas, que se xuntan no sabor de cada uva, no amor de cada pobo. Ante iso, o poeta anque non teña verbas pra expresar tanta beleza, anque non queira, ten que voltar a facer versos (...). Bon despertar, agora no estío, diste sono.

De 2016 é Nos cumes do cántico, do que di Xosé Lois García Fernández, autor do prólogo[4]:

Nos poemas de Paco Ledo temos sempre moi presente a tradición, o florecer da nosa terra e os seus paisaxes, desta Ribeira Sacra, onde medran os seus soños, e os versos libres das súas reflexións en forma de poema. A identidade coa terra, e a palabra unida baixo o pesa dunha realidade que transmuta e cambia mais alá dos cumios da serra do Faro, ata a nada na que se verte a fantasía dos labregos que xogan a vida.

En 2018 participa na Colectânea de Poesia Luso-Galaica[5].

Publicacións[editar | editar a fonte]

Poesía[editar | editar a fonte]

Teatro[editar | editar a fonte]

  • A carón da lareira (2017), Imprenta Besbello, Chantada

Véxase tamén[editar | editar a fonte]

Ligazóns externas[editar | editar a fonte]

Notas[editar | editar a fonte]

  1. "Roteiro das Artes Internacional". Consultado o 25/10/2017. 
  2. "Poesía dun labrego Paco Ledo López". alvarellos.info. Consultado o 25/10/2017. 
  3. "Poemas". pacoledo.es. Consultado o 25/10/2017. 
  4. "Nos cumes do cántico Paco Ledo". espoesiadesdeagolada.blogspot.com.es. Consultado o 25/10/2017. 
  5. de Sousa e Sa e Outros, Ester (2018). Colectânea de Poesia Luso-Galaica. Acabamento Emp. Gráfica Feirense S.A. ISBN 978-989-54214-0-4.