Pablo Sarabia
Este artigo (ou sección) está desactualizado(a). A información fornecida mudou ou é insuficiente. |
Pablo Sarabia | |||
---|---|---|---|
Sarabia adestrando co Getafe en 2013 | |||
Información persoal | |||
Nome | Pablo Sarabia García | ||
Nacemento | 11 de maio de 1992 (31 anos) | ||
Lugar de nacemento | Madrid | ||
Altura | 1,77 m. | ||
Posición | Centrocampista | ||
Información de club | |||
Club actual | Sevilla | ||
Número | 17 | ||
Carreira xuvenil | |||
2000–2004 | EFMO Boadilla | ||
2004–2009 | Real Madrid | ||
Carreira sénior | |||
Anos | Equipos | Aprs | (Gls) |
2009–2011 | Real Madrid B | 49 | (15) |
2011–2016 | Getafe | 131 | (11) |
2016– | Sevilla | 34 | (8) |
Selección nacional | |||
2008 | España sub-16 | 3 | (2) |
2008–2009 | España sub-17 | 20 | (5) |
2010 | España sub-18 | 2 | (0) |
2010–2011 | España sub-19 | 16 | (8) |
2011–2014 | España sub-21 | 22 | (3) |
Na rede | |||
Partidos e goles só en liga doméstica. Club: actualizado a 21 de maio de 2017. [ editar datos en Wikidata ] | |||
Pablo Sarabia García, nado en Madrid o 11 de maio de 1992, é un futbolista español. Xoga de centrocampista e o seu actual equipo é o Sevilla FC.
Ten un gran manexo de balón coa súa perna esquerda. Trátase dun xogador rápido no un contra un, con gran disparo desde diferentes distancias con ambas pernas.
Traxectoria[editar | editar a fonte]
Sarabia xogou na Escola de Fútbol Madrid Oeste Boadilla, en Boadilla del Monte (Madrid), onde se formou para dar o salto a canteira madridista na categoría infantil en 2004.
Empezou a tempada 2008/09 no xuvenil A das categorías inferiores do Real Madrid, xogando de vez en cando no Real Madrid C. O 3 de xaneiro de 2010 debutou co Real Madrid Castilla contra o Alcorcón, substituíndo a Samuel no minuto 58 de partido. No seu terceiro partido no Castilla, o primeiro no estadio Alfredo Di Stéfano, foi titular e marcou o segundo gol que axudaría a conseguir a vitoria do Castilla sobre o Racing B. Ademais deu o pase do terceiro gol madridista nun lanzamento de esquina, quedando así demostrada a súa capacidade para meter goles e tamén para dalos.
En setembro de 2010 rumoreábase a venda de Sarabia ao equipo portugués Sporting de Braga no mercado invernal por 3 millóns de euros, aínda que non se produciu o traspaso.
O 8 de decembro de 2010 debutou co Real Madrid en Liga de Campións, no encontro Real Madrid 4-0 Auxerre, substituíndo a Cristiano Ronaldo a falta de 20 minutos para o final do partido.