Osvaldo Dorticós

Na Galipedia, a Wikipedia en galego.
Osvaldo Dorticós
Osvaldo Dorticós Torrado
Datos persoais
Nacemento 17 de abril de 1919
Lugar Cienfuegos
Falecemento 23 de xuño de 1983
Lugar A Habana
Organización Partido Comunista de Cuba
Profesión Avogado e político

Osvaldo Dorticós Torrado, nado en Cienfuegos o 17 de abril de 1919 e falecido na Habana o 23 de xuño de 1983, foi un político cubano que foi presidente de Cuba entre o 17 de xullo de 1959 e o 2 de decembro de 1976. foi substituído por Fidel Castro no cargo cando se ditou unha nova constitución.

Traxectoria[editar | editar a fonte]

Foi un próspero avogado que participou no movemento revolucionario cubano, razón pola cal foi encarcerado en 1958. Escapou e refuxiouse en México, onde viviu para volver do exilio despois do triunfo de Fidel Castro. Desempeñou o cargo de Ministro de Xustiza, cargo desde o cal axudou a formular as políticas cubanas. Foi escollido presidente nese mesmo ano, esperando que fose máis leal a Castro que o seu antecesor Manuel Urrutia Lleó. Intelixente e competente, tivo considerable influencia no goberno. En 1976, cando o goberno cubano foi reorganizado, e Castro asumiu todos os poderes, Dorticós foi nomeado como membro do Consello de Estado de Cuba.

Suicidouse en 1983, aparentemente aflixido pola morte da súa esposa e polas doenzas crónicas que sufría. Nos seus últimos anos, estivo practicamente apartado da vida política.



Predecesor:
Manuel Urrutia Lleó
Coat of arms of Cuba.svg
Presidente da República de Cuba
1959 - 1976
Sucesor:
Fidel Castro