Olleiras

Olleiras
Aviso médico. Advertencia: A Wikipedia non dá diagnoses. Se cre que pode requirir tratamento consúltello ao médico.
Olleiras nun home adulto
Instancia de doenza cutánea
Subclase de escurecemento da pel
Especialidade médica medicina do sono
Wikidata C:Commons

As olleiras, coñecidas en terminoloxía médica como "hipercromía idiopática do anel orbitario", refírense a unha alteración da coloración da pel baixo os ollos, causada pola produción excesiva de melanina e a dilatación dos capilares próximos á superficie da pel.

Estas alteracións adoitan seguir a anatomía do músculo orbicular dos ollos que rodea a órbita ocular.

Causas e patoxénese

As causas principais inclúen factores como a herdanza xenética, falta de sono, cansazo, alerxia, e tensión premenstrual.

A patoxénese das olleiras é descoñecida, aínda que algúns estudos suxiren que varios factores, incluíndo a melanocitose dérmica e a hiperpigmentación posinflamatoria, poden xogar un papel. A miúdo, as olleiras tamén están asociadas ao insomnio ou a enfermidades como a sarcopenia que resultan na perda de tecido conectivo periorbitario.

Tratamento

Annie Krauss, con marcadas olleiras.

O tratamento das olleiras pode incluír o uso de cremes con vitamina K, aplicación de compresas frías, tratamento con láser de kriptón ou o uso de cosméticos para maquillalas.

Terminoloxía

No dicionario galego de termos médicos da Real Academia de Medicina e Cirurxía de Galicia, son descritas como unha mancha algo denegrida na pálpebra inferior, e adicionalmente, o termo pode referirse a un vaso pequeno adaptado á forma do ollo, usado para o baño da conxuntiva.

Etimoloxía

A palabra "olleiras" provén de "ollo" (do latín oculum) máis o sufixo "-eira", usado para formar substantivos relacionados coa función ou condición de algo. En portugués e outras linguas románicas ten a mesma orixe.

Véxase tamén

• Anemia
• Cansazo
• Circulación sanguínea
• Coláxeno
• Dermatoloxía
• Envellecemento
• Exfoliación
• Hidratación
• Inflamación
• Melanina
• Microcirculación
• Orbicular dos ollos
• Ollo humano
• Órbita (anatomía)
• Nutrición
• Pel
• Protección solar
• Sarcopenia
• Senescencia
• Sono
• Vitamina C
• Vitamina E
• Vitamina K
• Estrés
• Xestión do estrés

---

Este artigo sobre medicina é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---