Olleiras

Olleiras
	Olleiras nun home adulto
Sinónimo	Hipercromía idiopática do anel orbitario
Especialidade	Dermatoloxía
Síntomas	Alteración da coloración da pel baixo os ollos
Causas	Herdanza xenética, falta de sono, cansazo, alerxia, tensión premenstrual
Tratamento	Cremes de vitamina K, compresas frías, láser de kriptón, maquillaxe
	Aviso médico. Advertencia: A Wikipedia non dá consellos médicos.; Se cre que pode requirir tratamento, por favor, consúltello ao médico.

As olleiras, coñecidas en terminoloxía médica como "hipercromía idiopática do anel orbitario", refírense a unha alteración da coloración da pel baixo os ollos, causada pola produción excesiva de melanina e a dilatación dos capilares próximos á superficie da pel.^[1]

Estas alteracións adoitan seguir a anatomía do músculo orbicular dos ollos que rodea a órbita ocular.^[2]

Causas e patoxénese

As causas principais inclúen factores como a herdanza xenética, falta de sono, cansazo, alerxia, e tensión premenstrual.^[3]

A patoxénese das olleiras é descoñecida, aínda que algúns estudos suxiren que varios factores, incluíndo a melanocitose dérmica e a hiperpigmentación posinflamatoria, poden xogar un papel. A miúdo, as olleiras tamén están asociadas ao insomnio ou a enfermidades como a sarcopenia que resultan na perda de tecido conectivo periorbitario.^[4]

Tratamento

O tratamento das olleiras pode incluír o uso de cremes con vitamina K, aplicación de compresas frías, tratamento con láser de kriptón ou o uso de cosméticos para maquillalas.^[5]

Terminoloxía

No dicionario galego de termos médicos da Real Academia de Medicina e Cirurxía de Galicia, son descritas como unha mancha algo denegrida na pálpebra inferior, e adicionalmente, o termo pode referirse a un vaso pequeno adaptado á forma do ollo, usado para o baño da conxuntiva.

Etimoloxía

A palabra "olleiras" provén de "ollo" (do latín oculum) máis o sufixo "-eira", usado para formar substantivos relacionados coa función ou condición de algo. En portugués e outras linguas románicas ten a mesma orixe.^[6]^[7]^[8]

Notas

↑ "Olleiras". DRAG. Consultado o 14 de agosto de 2024.
↑ "Músculo orbicular de los ojos (origen, inserción, inervación)". anatomiatopografica.com (en castelán). 2018-11-15. Consultado o 2024-08-14.
↑ SofiaSantos (2019-09-18). "Olheiras: o que são, causas e tratamentos". Atlas da Saúde (en portugués). Consultado o 2024-08-14.
↑ Allevat, Dr. Miguel A. (2007): «Ojeras», artigo publicado na revista Actas Terapéuticas de Dermatología. 30: páxs. 202-209; 2007.
↑ "Adeus olheiras!". entremulheres.com.
↑ S.A, Priberam Informática. "Dicionário Priberam da Língua Portuguesa". Dicionário Priberam da Língua Portuguesa (en portugués). Consultado o 2024-08-14.
↑ "OJERA". Etimologías de Chile - Diccionario que explica el origen de las palabras (en castelán). Consultado o 2024-08-14.
↑ En lingua catalá dise "fer ulleres", aínda que é común o termo "anell orbitari" (anel orbitario) e "ulleres" é tamén o nome catalá para os lentes.

Véxase tamén

[1] "Olleiras". DRAG. Consultado o 14 de agosto de 2024.

[2] "Músculo orbicular de los ojos (origen, inserción, inervación)". anatomiatopografica.com (en castelán). 2018-11-15. Consultado o 2024-08-14.

[3] SofiaSantos (2019-09-18). "Olheiras: o que são, causas e tratamentos". Atlas da Saúde (en portugués). Consultado o 2024-08-14.

[Miguel_Allevat-4] Allevat, Dr. Miguel A. (2007): «Ojeras», artigo publicado na revista Actas Terapéuticas de Dermatología. 30: páxs. 202-209; 2007.

[5] "Adeus olheiras!". entremulheres.com.

[6] S.A, Priberam Informática. "Dicionário Priberam da Língua Portuguesa". Dicionário Priberam da Língua Portuguesa (en portugués). Consultado o 2024-08-14.

[7] "OJERA". Etimologías de Chile - Diccionario que explica el origen de las palabras (en castelán). Consultado o 2024-08-14.

[8] En lingua catalá dise "fer ulleres", aínda que é común o termo "anell orbitari" (anel orbitario) e "ulleres" é tamén o nome catalá para os lentes.

[1]

[2]

[3]

[4]

[5]

[6]

[7]

[8]