A dermatoloxía[1] é unha especialidade médica que se ocupa do diagnóstico e tratamento clínico e cirúrxico das doenzas que acomente ao maior órgano do corpo humano, a pel, a cal ocupa unha área duns 2 metros cadrados nun individuo adulto. A especialidade engloba tamén as doenzas que afectan aos anexos cutáneos, isto é, cabelos e unllas, así como tamén as mucosas (boca e xenitais).
Outra denominación é a de dermatoveneroloxía, xa que a especialidade ten unha grande importancia no contexto das doenzas de transmisión sexual (venéreas).
A historia da dermatoloxía moderna comeza en Europa, entre os séculos XV e XVI, onde varios clínicos comezaron a se interesar polos problemas cutáneos. O primeiro libro de texto de dermatoloxía foi escrito en 1797, polo doutor Robert Willian. De feito, a Medicina comezou a salientar a cada vez máis a importancia da pel no organismo.
A dermatoloxía actúa en todos os procesos fisiopatolóxicos que envolven a pel: dende infeccións, até reaccións autoinmunes e inflamatorias, e tamén tumores.
