Okondo

Okondo
Panorámica de Okondo.
Localización
Okondo
País	España
Comunidade Autónoma	País Vasco
Provincia	Áraba
Cuadrilla	Aiara
Xeografía
Altitude	277 msnm
Superficie	29,90 km²
Demografía
Poboación	1.158 hab. (2014)
Densidade	38,73 hab/km²
Xentilicio	Okondarra
Outros datos
Código postal	01409
Alcalde	Sergio Tato Eguren (Bildu)

Okondo é un concello da provincia de Áraba, Euskadi.

Topónimo

Dende a súa primeira mención escrita en 1257, este val recibiu en castelán o nome de Oquendo. Este foi o nome oficial do concello até hai pouco, xa que o castelán era a lingua da administración, aínda que a lingua falada pola xente fose o éuscaro. Segundo o INE en 1842 chamábase Uquendo e en 1857, Valle de Oquendo.

Existen menos referencias escritas sobre o seu nome en éuscaro. Estas baséanse principalmente nos escritos deixados por José Pablo de Ulibarri, que era natural da zona; en vasco, de comezos do século XIX. Ulibarri deixoi transcrito o nome en éuscaro do val baixo as formas Okondo e Ukondo. Ao longo do século XIX o éuscaro deixouse de falar en Okondo e estas formas deixaron de empregarse.Mais, en 1980, o concello decidiu recuperar a forma Okondo como nome oficial do municipio e dende que foi publicado no BOE en 1989 é o único nome do concello a tódolos efectos.

Sobre o significado etimolóxico de Okondo podería pensarse na palabra ukondo que significa cóbado en vasco, co significado de cóbado dun río, aínda que os filólogos pensan máis ben que o nome estaría derivado de oka+ondo, orixe que explicaría mellor tanto a variante castelán como unha das vascas do nome. A verba -ondo está moi estendida pola toponimia vasca e significa xunto a. Mais o significado de oka é incerto. Hai moitos lugares que teñan ese topónimo ou formen parte del. Segundo Federico Barrenengoa, especialista en toponomástica, oka significaría río. Para Alfonso Irigoyen, sería unha palabra de orixe céltica que antigamente tomou prestado o éuscaro.

Demografía

Evolución da poboación de: Okondo desde 1991 ata 2014
1991	1996	2001	2004	2014
705	770	876	1004	1158

Política

Casa do concello.

Eleccións municipais 2011

Okondoko udalbatza
Partido	Concelleiro	Votos
Bildu	5	411 (%50,99)
OB	2	193 (%23,95)
Euzko Alderdi Jeltzalea (EAJ)	2	188 (%23,33)
Alderdi Popularra (PP)	-	12 (%1,49)
Euskadiko Alderdi Sozialista (PSE-EE(PSOE))	-	2 (%0,25)