Ninguén coma min
| Ninguén coma min | |
|---|---|
| Autor/a | Ignacio Chao |
| Lingua | lingua galega |
| Xénero(s) | libro ilustrado |
| Data de pub. | 2020 |
| [ editar datos en Wikidata ] | |
Ninguén coma min, co subtítulo Autobiografía dun tirano, é un álbum escrito polo galego Ignacio Chao e ilustrado pola artista catalá Eva Sánchez. Publicouno a editorial pontevedresa Kalandraka, na súa colección "Maremar", en xaneiro de 2020[1]. Foi escollido para o catálogo White Ravens de 2021 como unha das mellores obras da literatura infantil e xuvenil dese ano[2].
Historia e características[editar | editar a fonte]
Tras recibir unha mención na XI edición do Premio Compostela de Álbum ilustrado, a obra comercializouse ao mesmo tempo en tres linguas: en galego (lingua orixinal), en castelán -intitulada Nadie como yo- e mais en catalán -Ningú com jo-.
Trátase dunha "metáfora sobre o poder que, a través da figura dun porco, presenta un tirano que repasa a súa traxectoria vital"; en canto ás ilustracións, consonte a presentación editorial, son "figurativas, cun hábil tratamento cromático e de gran detallismo técnico, xogan co simbolismo dos personaxes -ratas, raposos, monos, voitres- e destacan pola agresividade das escenas humanizadas."[3].
Son un dos grandes persoeiros deste país recóndito, con rol de náufrago, reo de si. Eu, que pertenzo a unha estirpe pobre, vulgar, afeita a vivir coa cabeza abaixada, son agora o elixido…Texto que abre o álbum, na voz do marrancho protagonista.
Notas[editar | editar a fonte]
- ↑ Ficha en Imosver.
- ↑ Ninguén coma min e santoamaro nos White Ravens 2021, Galix.org, outubro de 2021.
- ↑ Dossier de prensa Arquivado 02 de xuño de 2020 en Wayback Machine. elaborado pola editorial.
Véxase tamén[editar | editar a fonte]
Ligazóns externas[editar | editar a fonte]
- Ninguén coma min na páxina web da editorial.
- Recensión no blog Trafegando Ronseis, 19 de xaneiro de 2020.