Nicanor Rielo Carballo
 Placa homenaxe a Nicanor Rielo en Castro de Carballedo  | |
| Biografía | |
|---|---|
| Nacemento | 22 de marzo de 1932 Arcos de Frades |
| Morte | 13 de marzo de 2000 (67 anos) |
| Grupo étnico | Pobo galego |
| Actividade | |
| Ocupación | sacerdote, etnógrafo, escritor |
| Familia | |
| Irmáns | Isaac Rielo Carballo |
| Descrito pola fonte | Gran Enciclopedia Galega Silverio Cañada Dicionario biográfico de Galicia Diccionario de escritores en lingua galega |
   | |
Nicanor Rielo Carballo, nado en Arcos de Frades (Pol) o 22 de marzo de 1932 e finado o 13 de marzo de 2000, foi un crego, etnógrafo e escritor galego. Usou o pseudónimo R. Lenza.[1]
Traxectoria
[editar | editar a fonte]Estudou no Seminario de Lugo, completando os estudos de Ciencias Sociais no Instituto Social León XIII de Madrid. Foi destinado como sacerdote ao Courel e moi pronto comezou a exercer de capelán nos Peares no poboado da industria hidroeléctrica. Axiña se comprometeu coa cultura da contorna e tamén representou o clero da comarca no Concilio Galego.[2]
Ten colaborado con artigos en diversas publicacións, como Cuadernos de Estudios Gallegos, Revista de Dialectología y Tradiciones Populares, Encrucillada, Lucensia, Irimia… con artigos sobre o románico lugués, costumes, ditos, topónimos etc. Formou parte do Instituto de Estudios Gallegos Padre Sarmiento e do Museo do Pobo Galego.
Na Escolma de Carballedo (1976) recolle cantigas, contos, enredos, oracións, panxoliñas, refráns e romances.
Nicanor Rielo Carballo é irmán de Isaac Rielo Carballo, tío de Pedro Rielo e cuñado de Paz Lamela Vilariño.
Obra[3]
[editar | editar a fonte]- La parroquia de San Vicente de Pombeiro (reseña turística) (1976), 43 p. En castelán.
- Escolma de Carballedo (1976), Castrelos, ISBN 8470410415, 253 p.
- A romaxe do Faro (1978), Castrelos, ISBN 8470410970, 45 p.
- El libro lucense: (1495-1936) (1982), Ediciós do Castro, ISBN 8474921317, 783 p. En castelán.
- Dende o meu lar: semblanza de don Manuel Rielo Lenza (1984), Celta, ISBN 8439816502, 59 p.
- Microtoponimia de Arcos (1995), Ed. de autor, ISBN 8460542114, 123 p.
- Libros impresos en Lugo (1996), Deputación Provincial de Lugo, ISBN 8481920649, 143 p.
Notas
[editar | editar a fonte]- ↑ "Pseudónimos galegos en ogalego.eu". ogalego.eu. Consultado o 05/11/2018.
- ↑ Vidal Estévez, Engracia (2000). "Nicanor Rielo Carballo: unha crónica e dúas lembranzas". Encrucillada: Revista galega de pensamento cristián 24 (117): 66–67. ISSN 1131-6519.
- ↑ "Nicanor Rielo". Catálogo BNE. Consultado o 02/11/2018.
Véxase tamén
[editar | editar a fonte]Bibliografía
[editar | editar a fonte]- Dicionario biográfico de Galicia. Ir Indo Edicións. 2010-2011.
- Enciclopedia Galega Universal. Ir Indo. 1999-2002. ISBN 84-7680-288-9.
- Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
- Fernández del Riego, F. (1992) [1990]. Diccionario de escritores en lingua galega (2ª ed.). Do Castro. ISBN 84-7492-465-0.
- Vilavedra, Dolores, ed. (1995). Diccionario da literatura galega. Autores I. Vigo: Editorial Galaxia. ISBN 84-8288-019-5.
