Municipio de Ventspils

Municipio de Ventspils
Localización
	57°19′N 21°38′L / 57.32, 21.63Coordenadas: 57°19′N 21°38′L / 57.32, 21.63
Estado	Letonia
Capital	Ventspils
Poboación
Poboación	10.512 (2023) (4,28 hab./km²)
Lingua usada	Lingua livonia ; lingua letoa
Xeografía
Superficie	2.458,62 km²
Comparte fronteira con	South Kurzeme Municipality (en) ; Municipio de Talsi ; Municipio de Kuldīga ; Ventspils
Creación	2009
Identificador descritivo
Fuso horario	Horario do leste de Europa; Horário de Verão do Leste Europeu (pt) , horario de verán
ISO 3166-2	LV-106
Latvian toponymic names database ID (en)	117242
Páxina web	ventspilsnovads.lv

O municipio de Ventspils (en letón, Ventspils novads) é un dos 36 municipios de Letonia. Os 36 municipios son resultado da última reorganización do territorio aprobada o 1 de xuño de 2021, mais o municipio de Ventspils permanece na mesma configuración que xa tiña desde a reorganización previa da Saeima aprobada en 2009.

Localizado no noroeste de dito país báltico conforma a parte máis ao norte da rexión histórica de Curlandia.

A xestión administrativa deste municipio exércese desde a cidade de Ventspils, rúa Skolas 4, mais curiosamente a propia cidade non pertence ao municipio de Ventspils xa que conta cun rango de autonomía propio.

Ten unha superficie de 2462,3 km² e unha poboación de 10 777 persoas a finais de 2021^[1]. O Municipio cómponse das parroquias de Piltene, Ance, Jūrkalne, Pope, Puze, Tārgale, Ugāle, Usma, Užava, Vārve, Ziras e Zlēkas.

Xeografía e clima[editar | editar a fonte]

O municipio de Ventspils está situado nas terras ao nivel do mar ao longo da costa do Mar Báltico e divídese na chaira de Irve ao norte, a chaira de Ventava ao redor de Ventspils e a chaira de Piemare ao sur. É o único municipio de Curlandia que fisioxeograficamente se atopa unicamente nas terras baixas. Nalgúns lugares, as elevacións do relevo terrestre son os remanentes no antigo lago de xeo do Báltico (como as elevacións de Puze, Ugāle e Pope de até 50, 60 e 68 m sobre o nivel do mar, respectivamente). Son comúns alí as rocas básicas expostas do Devónico medio, limolita, arxila, marga e dolomita. Máis do 60 % do municipio está cuberto de bosques e dous terzos de todas as árbores son piñeiros.

A cantidade de precipitación é de 600 a 800 mm por ano, cun máximo ao sur, na confluencia dos ríos Venta e Abava. Ten unha temperatura media de -3 -4 °C en xaneiro, e de +16 a +16,5 °C en xullo.