Mosteiro de San Paio de Abeleda

Na Galipedia, a Wikipedia en galego.

Coordenadas: 42°23′22″N 07°26′55″O / 42.38944, -7.44861

Imaxe do mosteiro onde se pode ver o estado de abandono.

O mosteiro de San Paio de Abeleda son os vestixios dun mosteiro medieval construído no século XII na parroquia de San Paio de Abeleda, no concello de Castro Caldelas.[1]

Na actualidade atópase en estado ruinoso. Foi un dos centros monásticos máis influentes da provincia, e coa reforma monástica pasou a converterse en abadía ata que a finais do século XIX, trala desamortización, os Duques de Alba apoderáronse dos bens do mosteiro.

A igrexa[editar | editar a fonte]

A igrexa, construída en estilo románico do século XII (con reformas posteriores) é de planta de cruz latina. Componse dunha soa nave con tres corpos, separados cada un deles cun arco de medio punto con arquivoltas adornadas de impostas axadrezadas e capiteis con flores e quimeras. O retablo maior é do século XVII. A igrexa foi obxecto dunha profunda reforma no século XIV, conservándose da fábrica románica unha porta dos séculos XIII-XIV.

A fachada do claustro conventual é de estilo gótico e presenta un arco oxival con decoración de cuadrifolios.

No ano 2005, foi vítima do espolio de varios retablos barrocos e neoclásicos, e algunha columna do antigo claustro conventual.[2]

Galería de imaxes[editar | editar a fonte]

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]

  • Duro Peña, E.: El monasterio-parroquia de San Payo de Abeleda (1989). Anuario de Estudios Medievales.

Outros artigos[editar | editar a fonte]