Miren Etxezarreta
| Miren Etxezarreta | |
|---|---|
 | |
| Nacemento | 23 de marzo de 1936 |
| Lugar de nacemento | Ordizia |
| Nacionalidade | España |
| Alma máter | Universidade do País Vasco e London School of Economics |
| Ocupación | economista, profesora universitaria, escritora e activista social |
| Cónxuxe | José Iglesias Fernández Dopazo |
| Na rede | |
| http://www.mirenetxezarreta.net/ | |
    | |
| [ editar datos en Wikidata ] | |
Miren Etxezarreta Zubizarreta, nada en Ordizia, Guipúscoa o 23 de marzo de 1936, é unha economista e intelectual de esquerdas estreitamente vinculada aos movementos sociais. Desde 2007 é Catedrática Emérita en Economía Aplicada da Universidade Autónoma de Barcelona.
Traxectoria[editar | editar a fonte]
Estudou Economía no campus de Bilbao da Universidade do País Vasco e fixo un máster na London School of Economics, universidade na que tamén se doutorou. Anos máis tarde, na Universidade Autónoma de Barcelona, volvería a doutorarse.[1]
Está influída por Karl Marx, Rosa Luxemburg e por economistas postkeynesianos como Joan Robinson ou economistas marxistas como Paul A. Baran e Paul Sweezy, entre outras influencias.
Activismo político e social[editar | editar a fonte]
A principios de 2012, Miren Etxezarreta expresaba o seu escepticismo sobre as transformacións sociais procedentes de revolucións lideradas por poderes xerárquicos e elitistas. Cuestionaba a evolución política de Venezuela pero, sobre todo, manifestaba a súa decepción polo desenlace da revolución Sandinista de 1979, coa cal aseguraba ter aprendido moito. Por este motivo, Miren reiteraba a importancia de «xerar ámbitos de autonomía» e puña énfase en levar a cabo unha transformación social «de abaixo cara arriba» e non ao revés.[2]
Guiada por devanditas premisas, nunca participou en estruturas xerárquicas propias de partidos políticos ou sindicatos senón que preferiu colaborar co tecido asociativo de base, traballou xunto con numerosos colectivos de esquerda, participou en múltiples e variadas campañas e mesmo fundou o Seminario de Economía Crítica Taifa, como exemplo de grupo para «cambiar a sociedade mediante microcosmos».[2]
Dentro da súa traxectoria como activista, un dos seus compromisos máis constantes e regulares a longo prazo constituíuno sen dúbida as Xornadas de Economía Crítica, nacidas a finais dos anos 1980 e celebradas bianualmente en diferentes localidades de España.[3][4]
A finais da década dos anos 1990, o nacemento e propulsión do movemento antiglobalización consolidou a Miren como unha voz de referencia dos movementos sociais altermundialistas, debido á súa postura decididamente anticapitalista e o seu punto de vista marxista da economía.[5]
En 2008 impulsou unha campaña coordinada a nivel europeo e promovida por economistas de toda Europa chamada Especulación e crise: xa basta! contra a liberdade de circulación do capital promovida polo Tratado de Lisboa.
En 2009 participou no III Fòrum Social de Mallorca , no que foi relatora dun coloquio sobre o proceso de privatización dos servizos públicos e sociais.[6]
Notas[editar | editar a fonte]
- ↑ "Breve biografía de Miren Etxezarreta en la Universidad Rovira i Virgili". www.urv.cat. Arquivado dende o orixinal o 04 de febreiro de 2012. Consultado o 12 de febreiro de 2012.
- ↑ 2,0 2,1 "Entrevista de un conflicto: el 15M". Observatori del Conflicte Social. 8 de febreiro de 2012. Consultado o 18 de marzo de 2012.
- ↑ "Nace un grupo de economía crítica para renovar el pensamiento". El País. 20 de decembro de 1987.
- ↑ www.economiacritica.org (ed.). "Página de la asociación Economía Crítica". Consultado o 12 de febreiro de 2012.
- ↑ "Entrevista a Miren Etxezarreta a Resistendo a la Caverna". www.resistiendocaverna.blogcindario.com. 16 de novembro de 2006. Arquivado dende o orixinal o 16 de outubro de 2010. Consultado o 12 de febreiro de 2012.
- ↑ "Transcripció íntegra de la intervenció de Miren Etxezarreta al III Fòrum Social de Mallorca 2009". Fòrum Social de Mallorca. 12 de marzo de 2009. Consultado o 15 de marzo de 2012.[Ligazón morta]
