Milk (filme)
| Milk | |
|---|---|
| Ficha técnica | |
| Título orixinal | Milk |
| Director | Gus Van Sant |
| Produtor | Dan Jinks Bruce Cohen |
| Guión | Dustin Lance Black |
| Baseado en | na vida de Harvey Milk |
| Intérpretes | Sean Penn Emile Hirsch Josh Brolin Diego Luna Alison Pill Victor Garber James Franco |
| Música | Danny Elfman |
| Fotografía | Harris Savides |
| Montaxe | Elliot Graham |
| Estudio | Focus Features |
| Distribuidora | Universal Pictures |
| Estrea | 2008 |
| Duración | 128 minutos |
| Orixe |  Estados Unidos |
| Xénero | Biográfica, drama |
| Orzamento | US$ 20 000 000 |
| Recadación | $54 600 000 |
| Na rede | |
| http://www.milkthemovie.com/ | |
           | |
Milk é un filme estadounidense do 2008, dirixido por Gus Van Sant e baseado na vida do político e activista gai Harvey Milk, que foi o primeiro homosexual declarado en ser escolleito para un cargo público en California, como membro da Cámara de Supervisores de San Francisco.
Sinopse
[editar | editar a fonte]Milk, un gai carismático e alegre, múdase de Nova York a San Francisco en 1972, onde pensara abrir unha tenda de fotografía no Castro, onde os gais non eran de todo ben recibidos. Mais Milk resiste, e en pouco tempo o barrio do Castro tórnase referencia na loita polos dereitos dos homosexuais.
A loita de Milk transformouno en líder político, comandando campañas federais, recibindo incluso apoios conservadores, como o do entón aspirante a presidencia Ronald Reagan.[1]
Elenco
[editar | editar a fonte]- Sean Penn como Harvey Milk
- Emile Hirsch como Cleve Jones
- James Franco como Scott Smith
- Josh Brolin como Dan White
- Victor Garber como Prefeito George Moscone
- Denis O'Hare como Senador John Briggs
- Diego Luna como Jack Lira
- Ashlee Temple como Dianne Feinstein
- Alison Pill como Anne Kronenberg
- Eric Stoltz como Tom Ammiano
- Lucas Grabeel como Danny Nicoletta
- Stephen Spinella como Rick Stokes
- Joseph Cross como Dick Pabich
Produción
[editar | editar a fonte]
En 1991, Oliver Stone cavilou producir, mais non dirixir, un filme sobre a vida de Milk; chegou a escribir un guión para a película, que se chamaría The Mayor of Castro Street ("O alcalde da Rúa Castro"), baseado no libro homónimo de Randy Shilts. Porén, en xullo de 1992, o director Gus Van Sant foi quen acabou acertando coa Warner Bros. para dirixir a biografía de Harvey Milk co actor Robin Williams no papel principal. En abril de 1993, Van Sant desfixo o acordo co estudio, alegando diferenzas de creatividade.[2] Outros actores pensados para o papel de Milk na época foron Richard Gere, Daniel Day-Lewis e James Woods. En abril de 2007, Gus foi solicitado para dirixir o filme baseado no guión de Dustin Lance Black, sendo que, ao mesmo tempo, o director Bryan Singer estaba finalmente desenvolvendo The Mayor of Castro Street.[3] En setembro do mesmo ano, Sean Penn foi convocado para o papel de Harvey Milk e Matt Damon para o papel de Dan White.[4] Damon retirouse cedo do proxecto debido a incompatibilidade de axenda. En novembro, a Focus Features deu continuidade coa produción de Van Sant, mentres que o proxecto de Singer enfrontaba conflitos cos guionistas.[5] En decembro, os actores Josh Brolin, Emile Hirsch, Alison Pill e James Franco entraron oficialmente no elenco de Gus e Milk comezou a ser filmado en San Francisco en xaneiro de 2008.
Galardóns
[editar | editar a fonte]O filme foi nomeado ao Óscar de 2009 en 8 categorías: Mellor filme, mellor director, mellor actor (Sean Penn), mellor actor secundario (Josh Brolin), mellor guión orixinal, cinta sonora orixinal, figuración e edicíon de imaxe. Conseguiu a estatuíña de mellor actor e de mellor guión orixinal.
| Ano | Categoría | Persoa | Resultado |
|---|---|---|---|
| 2008 | Mellor película | Candidata | |
| 2008 | Mellor dirección | Gus Van Sant | Candidato |
| 2008 | Mellor actor | Sean Penn | Gañador |
| 2008 | Mellor actor secundario | Josh Brolin | Candidato |
| 2008 | Mellor guión orixinal | Dustin Lance Black | Ganador |
| 2008 | Mellor banda sonora | Danny Elfman | Candidato |
| 2008 | Mellor deseño de vestiario | Danny Glicker | Candidato |
| 2008 | Mellor montaxe | Elliot Graham | Candidato |
| Ano | Categoría | Persoa | Resultado |
|---|---|---|---|
| 2009 | Mellor película | Candidata | |
| 2009 | Mellor actor | Sean Penn | Candidato |
| 2009 | Mellor guión orixinal | Dustin Lance Black | Gañador |
| Ano | Categoría | Persoa | Resultado |
|---|---|---|---|
| 2009 | Mellor actor - Drama | Sean Penn | Candidato |
| Ano | Categoría | Persoa | Resultado |
|---|---|---|---|
| 2009 | Mellor elenco | Candidato | |
| 2009 | Mellor actor protagonista | Sean Penn | Gañador |
| 2009 | Mellor actor secundario | Josh Brolin | Candidato |
Notas
[editar | editar a fonte]- ↑ BARBOSA, Neusa (19 de febreiro de 2009). "Milk - A Voz da Igualdade". Cineweb (en portugués). Arquivado dende o orixinal o 05 de marzo de 2016. Consultado o 5 de febreiro de 2011.
- ↑ ELLER, Claudia (19 de abril de 1993). "Van Sant off of 'Castro St.'". Variety (en inglés). Arquivado dende o orixinal o 03 de marzo de 2009. Consultado o 5 de febreiro de 2011.
- ↑ HESSEL, Marcelo (1 de xullo de 2007). "Bryan Singer pode assumir outro filme antes de volver a Superman". Omelete (en portugués). Arquivado dende o orixinal o 21 de agosto de 2013. Consultado o 26 de febreiro de 2011.
- ↑ HESSEL, Marcelo (11 de novembro de 2007). "Sean Penn gay e Matt Damon homofóbico em filme de Gus van Sant". Omelete (en portugués). Arquivado dende o orixinal o 23 de outubro de 2008. Consultado o 5 de febreiro de 2011.
- ↑ GARRET, Diane (18 de novembro de 2007). "Van Sant's 'Milk' pours first". Variety (en inglés). Arquivado dende o orixinal o 03 de marzo de 2009. Consultado o 6 de marzo de 2011.
- ↑ "Oscar 2009". UOL Cinema (en portugués). 22 de febreiro de 2009. Consultado o 5 de febreiro de 2011.
| Control de autoridades |
|
|---|
- Filmes de 2008
- Filmes dos Estados Unidos de América
- Filmes en lingua inglesa
- Filmes dirixidos por Gus Van Sant
- Filmes de Universal Pictures
- Filmes de Focus Features
- Filmes rodados en San Francisco
- Filmes ambientados en 1978
- Filmes sobre temática LGBT dos Estados Unidos de América
- Filmes sobre eleccións
- Filmes cuxo guionista gañou o Óscar ó mellor guión orixinal
- Filmes ambientados en Nova York