Maxis

Na Galipedia, a Wikipedia en galego.
Maxis
Logo
Tipodesenvolvedora de videoxogos
Data de fundación1987
Fundador(es)Will Wright e Jeff Braun
Traballos destacadosThe Sims, SimCity e Spore
Organización matrizElectronic Arts
SedeEmeryville
PaísEstados Unidos de América
Na rede
https://www.ea.com/ea-studios/maxis
editar datos en Wikidata ]

Maxis software é unha empresa americana fundada en 1987. É actualmente unha filial de Electronic Arts (EA). Maxis é o creador do xogo de computador que mellor se vende de todos os tempos, Os Sims e a súa primeira continuación, Os Sims 2. Estes títulos e os seus produtos son as liñas máis populares e exitosas da marca.

A maioría dos videoxogos de Maxis están baseados na simulación. O fundador de Maxis, Will Wright compáraos con "casas de bonecas dixital". Maxis tamén lanzou xogos como A-Train e SimTower.

Historia[editar | editar a fonte]

Os primeiros anos[editar | editar a fonte]

Maxis Software foi fundada en 1987 por Will Wright e Jeff Braun como unha empresa independente de videoxogos. Un dos seus primeiros xogos publicados foi SimCity, un grande éxito que non esperaban pois até os amigos de Wright tomaban de broma o proxecto. Tras o éxito de SimCity, Maxis lanzou en 1991 o simulador planetario Sim Earth e un de formigas chamado Sim Ant.

En 1993 e tras unha gran presión dos seguidores de SimCity, Will Wright terminou o desenvolvemento de SimCity 2000; agora desde unha vista isométrica e con novas opcións. Foi o xogo máis vendido daquel ano. No mesmo ano lanzan tamén SimFarm, un simulador de granxas. En 1995 Maxis entrou en bolsa de valores debido aos grandes éxitos e á súa nova directiva presidida por un ex-executivo de Disney, Sam Poole.

Os ingresos das vendas de SimCity 2000 iniciaron o seu descenso mentres, dentro do estudo, existía unha gran preocupación polo futuro ante a falta de liquidez para facer desenvolvementos de grande envergadura. En 1996, nun intento por mellorar a situación económica, lanzan 6 novos xogos: SimCopter, Sim Tunes, Sim Park e un xogo de º. O resultado foi malo, o único xogo que tivo unhas vendas aceptables foi o simulador de helicópteros, SimCopter, xa que contaba co apoio dos xogadores de SimCity 2000 ao permitir a posibilidade de explorar a cidade pilotando un helicóptero.

Orixe do nome[editar | editar a fonte]

O nome de Maxis deriva dunha fórmula suxerida por Jeff Braun pai: as empresas de xogos de computador terían que ter nomes de dous sílabas e tería que incluír un 'x'. Isto está confirmado nunha entrevista cun empregado de Maxis nun disco de bonificación liberado cos Sims Maxia Potagia, e máis temperán en SimCity 2000 Edición Especial.

Un rumor falso declara que Maxis vén de dicir "six AM" ao revés. Esta é a hora á que soa a alarma do espertador dos Sims e os esperta. Este rumor parece ter orixe no novo SimCity 3000, en que a barra do xogo mostra a mensaxe "sabes que Maxis ten a súa orixe de dicir six AM ao revés?".

Diminución[editar | editar a fonte]

Despois do éxito inmenso de SimCity, Maxis experimentou con xéneros diferentes. Aínda así, os seus novos xogos, incluíndo O Cranio de Cristal e SimCopter, foron fracasos comerciais.Necesita citación tamén adquiriron Cinematronics para crear un xogo chamado Crucible. Carencia e fortes perdas fixeron que Maxis tivese que empezar a considerar ofertas de adquisición.

Electronic Arts adquire Maxis[editar | editar a fonte]

A situación económica no primeiro trimestre de 1997 era crítica, polo que era imprescindible tomar decisións importantes e eficaces. A directiva presidida por Sam Poole creu que a mellor forma de evitar a quebra era comezar o desenvolvemento dun SimCity 3000 en 3D. Will Wright declarou tempo despois que sería un fracaso, pois aínda que o 3D estaba xa de moda, a tecnoloxía non era o suficientemente avanzada para soportar o nivel de detalle de SimCity. Pero as decisións da directiva primaban sobre as do equipo de desenvolvemento, que continuou traballando un ano co proxecto para presentalo no E3 de 1997 cun sonoro e lembrado fracaso. Para evitar o fracaso Maxis chamou á porta de Electronic Arts. EA xa tiña a Maxis na lista de futuras adquisicións, pero o propio estudo de Will Wright negouse en innumerables ocasións a ser adquirida por unha empresa que estaba interesada en aumentar a súa cota de mercado. Pero nesta ocasión era necesario o diñeiro de EA para saír adiante e poder sacar a franquícia SimCity (moi valorada por EA naquel entón) adiante, a pesar de que Maxis quería ser a nova EA e non ceder ante ela. Finalmente Electronic Arts adquiriu as accións de Maxis por un valor de 125 millóns de dólares. Un mozo executivo de EA, Luc Barthelet, foi o responsable de levar a adquisición para posteriormente ocupar a Dirección Xeral do estudo. Barthelet trasladouse á sede de Walnut Creek no verán de 1997, para tomar as decisións máis oportunas para reorganizar o estudo, para iso contaba co talento de Will Wright pero non co SimCity en 3D. A pesar dos seus esforzos foi incapaz de bloquear o lanzamento de Streets Of SimCity, outro gran fracaso da antiga directiva de Maxis. Para Barthelet "o principal problema de Maxis era que non estaba centrada en desenvolver xogos e tampouco contaba coa infraestrutura adecuada para facelos". Barthelet despediu ao equipo directivo e de mercadotecnia e implantou unha nova filosofía na empresa e os seus desilusionados empregados: ser un estudo de desenvolvemento para PC que ten que crear xogos que estean entre os 10 mellores do momento. Desde esa base cancela SimCity 3000 e o motivo foi o de sempre: non estaba preparado para funcionar en 3D mantendo unha boa calidade gráfica e rendemento.

En 1999 finalmente lanzaron SimCity 3000, con mesma perspectiva e aspecto gráfico que SimCity 2000, aínda que con edificios con moita máis resolución e detalle.

Os Sims e SimCity[editar | editar a fonte]

Grazas ao comezo do século XXI, a tecnoloxía avanzara e superara as expectativas do "Novo Milenio", Electronic Arts non quedou cos brazos cruzados, desde a capacidade dos xogos 3D. A finais do ano 1999, Maxis anunciara o xogo: Os Sims. Este simulador da vida foi lanzado no mes de febreiro de 2000. Ao principio tivo unhas vendas aceptables pero grazas ás expansións lograron que fose o xogo de PC máis vendido da historia, algo que nin o propio Will Wright esperaba.

Durante 2001, 2002 e 2003 lanzaron 7 expansións de Os Sims, SimCity 4 e anunciaron Os Sims 2.

Os Sims 2 é lanzado no mes de setembro do 2004 batendo marcas de vendas. En 2005 lanzan dúas expansións: Universitarios e Noctámbulos e anuncian o desenvolvemento de Spore, o novo proxecto de Will Wright.

O futuro do estudo[editar | editar a fonte]

A principios de 2004 Maxis abandonaba a súa sede (Walnut Creek) e a maioría dos 300 empregados son recolocados na sede central de Electronic Arts en Redwood City, California. Un portavoz de EA declarou que o motivo deste cambio debíase a que Maxis estaba a quedar sen espazo no edificio California Praza en Walnut Creek. Por aquel entón continuaba como Director Xeral Luc Barthelet que abandonou semanas máis tarde Maxis para realizar outros proxectos con Electronic Arts. O enxeñeiro confirmou nunha televisión francesa que estaba a traballar na quinta entrega da franquía SimCity. Neil Young substituíuno durante uns meses ata que Maxis se situou oficialmente na súa nova sede en Emeryville.

Will Wright e o seu equipo de desenvolvemento continuaron traballando un ano máis en Walnut Creek, até o seu traslado definitivo a Emeryville onde un centenar de empregados traballan nestes momentos no desenvolvemento de Spore, que será lanzado co recuperado logo de Maxis. Os novos xogos da franquía Sims e SimCity desenvólvense no estudo EA Redwood Shores baixo o liderado da Presidenta da Label dos Sims Nancy Smith e o Xefe do Estudo Sims Rod Humble.

Maxis continúa existindo na súa sede de Emeryville e non se prevé que sufra ningún tipo de reestruturación por parte de EA debido á situación económica. Will Wright comezou a desenvolver un novo concepto e Lucy Bradshaw é a Directora Xeral do estudo desde o mes de xuño de 2008.

Listaxe de videoxogos desenvoltos por Maxis[editar | editar a fonte]

Serie Xogos Ano de publicación Plataformas
SimsCity 2000 1993 PC, PlayStation e Nintendo 64
3000 1999 PC
DS 2007 Nintendo DS
4 Hora Punta 2003 PC e Mac
Societies 2007 PC e Mac
Os Sims Os Sims 2000-2003 PC, Mac, PlayStation 2, Xbox e Gamecube
Os Sims 2 2004-2008 PC, Mac, PlayStation 2, Xbox, GameCube, GameBoy Advance, Nintendo DS, PSP e móbiles
Os Sims 3 2009- PC e Mac
Os Sims Medieval 2011 PC e Mac
My Sims 2008- Wii e Nintendo DS
Spore Spore 2008 PC e Mac
Spore: Factoría de criaturas 2009 PC
Spore: Mech Parts 2009 PC
Spore: Aventuras galácticas 2009 PC
Outros SimEarth
SimAnt
SimLife
SimFarm

Véxase tamén[editar | editar a fonte]

Ligazóns externas[editar | editar a fonte]