Marina Ortega

Marina Ortega
Biografía
Nacemento	22 de xaneiro de 1983 (43 anos); O Carballiño, España
Deputada de España
	Representa: Partido dos Socialistas de Galicia; 3 de decembro de 2019 – 13 de marzo de 2020 – Uxía Tizón Vázquez → ; Lexislatura: XIV lexislatura do Congreso de España ; Circunscrición electoral: Ourense ; Electa en: eleccións ao Congreso de España de novembro de 2019
Deputada de España
	8 de maio de 2019 – ; Lexislatura: XIII lexislatura de España ; Circunscrición electoral: Ourense ; Electa en: eleccións ao Congreso de España de abril de 2019
Actividade
Lugar de traballo	O Carballiño
Ocupación	psicóloga, política
Partido político	Partido dos Socialistas de Galicia

Marina Ortega Otero, nada no Carballiño o 22 de xaneiro de 1983, é unha psicóloga e política galega do PSdeG-PSOE.

Traxectoria

Traxectoria académica e laboral

Licenciada en psicoloxía pola Universidade de Santiago de Compostela, forma parte da Xunta de Goberno do Colexio Oficial de Psicoloxía de Galicia, onde é vogal na sección de Psicoloxía Xurídica.

Exerceu a psicoloxía infantil, adulta e forense, ademais de dirixir o programa Recurra na provincia de Ourense.

Dirixe un gabinete de psicoloxía no Carballiño.

Traxectoria política

Tralas eleccións municipais de España de 2015 foi elixida concelleira no Carballiño polo PSdeG-PSOE, sendo a responsable das Áreas de Servizos Sociais, Igualdade e Sanidade.

No XIII Congreso do PSdeG-PSOE, en outubro de 2017, é elixida para formar parte da Executiva de Gonzalo Caballero Míguez, electo Secretario Xeral do PSdeG, asumindo así a Secretaría de Políticas Sociais da CENG.^[1]

Despois da moción de censura contra Mariano Rajoy de 2018, asume a xefatura de gabinete da Subdelegación do Goberno en Ourense ata que encabeza a lista pola súa provincia para as eleccións xerais de España de abril de 2019 resultando electa.^[2]

Durante a XIII Lexislatura convértese en Vicepresidenta Primeira da Comisión de Sanidade, Consumo e Benestar Social e en portavoz adxunta da Comisión de Igualdade. Está tamén adscrita á Comisión de Orzamentos, á Comisión de Fomento e á Comisión para as Políticas Integrais da Discapacidade. E, ademais, é vogal na Comisión de Dereitos da Infancia e a Adolescencia e na Comisión Mixta de Relacións co Defensor do Pobo.^[3]

Meses máis tarde, volve a repetir posto de saída para as eleccións xerais de España de novembro de 2019 e resulta tamén electa.

Durante a XIV Lexislatura repite como Vicepresidenta Primeira da Comisión de Sanidade, Consumo e Benestar Social e como portavoz adxunta da Comisión de Igualdade. Ademais, é vocal da Comisión de Dereitos da Infancia e Adolescencia, da Comisión Mixta de Relacións co Defensor de Pobo e da Comisión Mixta para o Estudo dos Problemas das Adicións.^[4]

Tralo anuncio das Eleccións ao Parlamento de Galicia de 2020, dimite e convértese de novo en candidata para ditos comicios pola provincia de Ourense, acompañada do tamén exsenador Juan Carlos Francisco Rivera. Para substituíla no Congreso dos Deputados, causa alta Uxía Tizón Vázquez.^[5] Foi elixida deputada e formou parte da Mesa da cámara como Vicesecretaria.

Permaneceu como deputada autonómica ata as Eleccións ao Parlamento de Galicia de 2024, ás cales non concorreu, volvendo a centrarse na súa carreira profesional.

Notas

↑ X. r. b. (2017-10-30). "Caballero asume el reto con tres vicesecretarías sin integración". Atlántico (en castelán). Consultado o 2020-06-12.
↑ "Marina Ortega asume la jefatura de gabinete de la Subdelegación de Ourense". La Voz de Galicia (en castelán). 2018-07-18. Consultado o 2020-06-12.
↑ "Perfil da deputada durante a XIII Lexislatura na web do Congreso dos Deputados". Arquivado dende o orixinal o 22 de agosto de 2019.
↑ "Perfil da deputada durante a XIV Lexislatura na web do Congreso dos Deputados". Arquivado dende o orixinal o 13 de xuño de 2020.
↑ "Ortega deja la Comisión de Sanidad y va a Galicia". Consalud (en castelán). Consultado o 2020-06-12.

Véxase tamén

Outros artigos

Lista de deputados galegos no Congreso desde a Transición

[1] X. r. b. (2017-10-30). "Caballero asume el reto con tres vicesecretarías sin integración". Atlántico (en castelán). Consultado o 2020-06-12.

[2] "Marina Ortega asume la jefatura de gabinete de la Subdelegación de Ourense". La Voz de Galicia (en castelán). 2018-07-18. Consultado o 2020-06-12.

[3] "Perfil da deputada durante a XIII Lexislatura na web do Congreso dos Deputados". Arquivado dende o orixinal o 22 de agosto de 2019.

[4] "Perfil da deputada durante a XIV Lexislatura na web do Congreso dos Deputados". Arquivado dende o orixinal o 13 de xuño de 2020.

[5] "Ortega deja la Comisión de Sanidad y va a Galicia". Consalud (en castelán). Consultado o 2020-06-12.

[1]

[2]

[3]

[4]

[5]