Maria Gorokhovskaya
  | |
| Biografía | |
|---|---|
| Nacemento | 17 de outubro de 1921 Yevpatoria (pt)  |
| Morte | 22 de xullo de 2001 (79 anos) Tel Aviv, Israel |
| Actividade | |
| Ocupación | ximnasta artística |
| Compañeiro profesional | Ágnes Keleti (pt) |
| Deporte | ximnasia artística |
| Participou en | |
| 1952 | Ginástica nos Jogos Olímpicos de Verão de 1952 (pt) (medalla de prata olímpica) |
| Cronoloxía | |
| 8 de setembro de 1941-27 de xaneiro de 1944 | Sitio de Leningrado
|
| Premios | |
| Descrito pola fonte | Grande Enciclopedia Soviética 1969-1978, (sec:Гороховская Мария Кондратьевна) |
Maria Kondratyevna Gorokhovskaya (en ruso: Мария Кондратьевна Гороховская, en ucraíno: Марія Кіндратівна Гороховська), nada en Yevpatoria o 17 de outubro de 1921 e finada en Tel Aviv o 22 de xullo de 2001 foi unha ximnasta soviética de orixe xudía. Nos Xogos Olímpicos de 1952 gañou sete medallas, máis que ningunha outra muller nuns únicos xogos.[1]
Traxectoria
[editar | editar a fonte]Competindo por Budivelnyk Kharkiv, Gorokhovskaya gañou o seu primeiro título da URSS na barra fixa en 1948 e acudiu aos Xogos Olímpicos de Helsinqui como dobre campioa nacional. As ximnastas soviéticas nunca participaran antes en torneos internacionais importantes, e foron os primeiros xogos nos que participou o país.
Os ximnastas soviéticos dominaron a competición, con Gorokhovskaya como líder. Nos catro aparatos individuais (barra, chan, salto e asimétricas), Gorokhovskaya acabou segunda. Eses resultados valéronlle a medalla de ouro na competición xeral, acabando por diante da súa compañeira de equipo Nina Bocharova por oito décimas.[2]
Con sete das oito ximnastas soviéticas nos dez primeiros postos, era claro que a medalla de ouro por equipos sería para elas. Gorokhovskaya gañou a súa sétima medalla no desaparecido exercicio por equipos con aparatos portátiles, en que o equipo soviético rematou segundo despois de Suecia.[2]
Gorokhovskaya fixo unha aparición internacional máis como parte do equipo gañador do campionato do mundo de 1954, e despois retirouse. Traballou entón como xuíza (internacional dende 1964) e como conferenciante.
En 1990, Gorokhovskaya, que era xudía,[3] emigrou a Israel, onde traballou como adestradora de ximnasia ata a súa morte.[2] En 1991 foi incluída no Salón Internacional da Fama dos Deportes Xudeus.
Notas
[editar | editar a fonte]- ↑ "Leading Olympic Medalists". Arquivado dende o orixinal o 03 de xaneiro de 2013. Consultado o 15 de setembro de 2013.
- ↑ 2,0 2,1 2,2 "Leading Olympic Medalists". Arquivado dende o orixinal o 03 de xaneiro de 2013. Consultado o 03 de xaneiro de 2013.
- ↑ Uri Miller. Jews in Sport in the USSR. Yivo Encyclopedia. Arquivado dende o orixinal o 29 de abril de 2015. Consultado o 15 de setembro de 2013.
Véxase tamén
[editar | editar a fonte]Ligazóns externas
[editar | editar a fonte]- Complete list of competition results at Gymn Forum
- Gorokhovskaya na Federación Internacional de Ximnasia
