Marcel Renault

Marcel Renault
	;
Biografía
Nacemento	14 de maio de 1872 ; Boulogne-Billancourt
Morte	26 de maio de 1903 (31 anos); Payré
Causa da morte	accidente de tráfico
Lugar de sepultura	cemiterio de Passy
Cofundador Renault
Actividade
Ocupación	piloto de automobilismo, emprendedor, enxeñeiro
Deporte	automobilismo
Familia
Pai	Alfred Renault
Irmáns	Louis Renault; Fernand Renault

Marcel Renault, nado en París en 1872 e finado en Payré o 26 de maio de 1903, foi un industrial e piloto de carreiras francés, coherdeiro dun importante comecio téxtil e cofundador co seu irmán Fernand do imperio da industria automobilística Renault.

Biografía

Infancia

Naceu nunha familia da burguesía parisiense. O seu pai, Alfred Renault construíra unha sólida fortuna no comercio de teas e de botóns e súa nai Louise era filla de comerciantes ben establecidos.

O seu irmán Louis Renault era un xenio da mecánica, un dos pioneiros do automóbil, deseñou un no obradoiro familiar de Boulogne-Billancourt.

Fundación de Renault Frères

En 1899, Fernand e Marcel, ó tempo que xestionan a industria téxtil herdada de seu pai "Renault Fils, tissus en gros" fundan a sociedade Renault Frères no número 10 da Avenida du Cours en Boulogne-Billancourt achegando Marcel a metade dun capital de 60.000 francos ouro e Fernand a outra metade. Contaban cun cadro de persoal de 60 empregados para construír o vehículo concibido por Louis Renault. Marcel encárgase da administración e Fernand da comercialización, mentres Louis conságrase completamente á concepción e construción dos vehículos. No remate do primeiro ano a empresa producira e vendera 76 vehículos.

Carreiras automobilísticas

En agosto 1899 xunto co seu irmán Louis Renault participou na carreira París-Trouville, conseguindo a primeira vitoria dunha longa serie de carreiras de localidade a localidade da época. Na súa categoría os Renault non tiveronn rival, gañando a París-Ostende, París-Rambouillet e Tolosa-París. Estes éxitos na competición déronlle a celebridade e fixeron aumentar as vendas dos seus vehículos. Participou tamén con Louis na París-Tolosa-París de 1.448 km dentro dos Xogos Olímpicos de 1900. Renault dominou a categoría dos vehículos. En 1902 gañou a París-Vienne.

Desaparición

Co seu mecánico Vauthier participou en 1903 na primeira e única edición da París-Madrid, mais sufriu un accidente o 24 de maio en Couhé-Vérac, morrendo 48 horas despois en Payré.

Galería de imaxes

Les trois frères Renault : Marcel, Louis e Fernand.
L'usine Renault Frères a comezos do século XX
Publicité automobiles Renault Frères.

Véxase tamén