Manuel González Toro

Na Galipedia, a Wikipedia en galego.
Saltar ata a navegación Saltar á procura
Manuel González Toro
Información persoal
Nacido 6 de xaneiro de 1910
Lugar Vigo
Falecido 23 de xuño de 1992
Posición dianteiro

Manuel González Toro máis coñecido como Toro, nado en Vigo o 6 de xaneiro de 1910 e finado o 23 de xuño de 1992, foi un futbolista galego que xogaba na demarcación de dianteiro.

Traxectoria[editar | editar a fonte]

Chegou ao Celta de Vigo na tempada 1934/35, equipo que naquel momento estaba loitando por conseguir o ascenso a Primeira División. No primeiro ano o club non acadou o obxectivo, quedando terceiro na promoción de ascenso, pero ao ano seguinte, a tempada 1935/36, conseguiríase o ascenso, sendo Toro un dos xogadores fundamentais ao marcar cinco goles na liga de promoción.

Porén o debut en Primeira tería que agardar, pois o levantamento militar contra o goberno legalmente establecido da II República que levou a Guerra Civil Española paralizou toda competición oficial. Gran parte do cadro de xogadores do Celta foi represaliado ou enrolado no bando golpista, por exemplo Toro serviu como sarxento na fronte de Guadalaxara.

Finalmente o club debuta en Primeira División nos anos de posguerra, con Toro no equipo tras unha frustrada fichaxe polo Valencia CF, o 3 de decembro de 1939 ante o Real Zaragoza.

Esta primeira tempada o club salvouse do descenso no partido de promoción disputado en Madrid ante o Deportivo da Coruña, encontro que gañaría o Celta cun tanto de Nolete a pase de Toro.

En 1941 e sen previo aviso Toro é traspasado a metade de tempada ao Racing de Ferrol sen recibir compensación económica a cambio, xa que no equipo céltico contaba ca competencia sobre todo dos canarios Del Pino e Roig e o equipo ferrolán aspiraba a facer un bo papel no torneo copeiro, e conseguiulle un posto a Toro no departamento de contabilidade de Bazán.

Véxase tamén[editar | editar a fonte]

Ligazóns externas[editar | editar a fonte]