Manuel Brea Abades

Manuel Brea Abades

Biografía
Nacemento	1891 A Estrada, España
Morte	8 de novembro de 1931 (39/40 anos) A Estrada, España
Actividade
Ocupación	xornalista

Manuel Brea Abades, nado en Cereixo (A Estrada) en 1891 e finado no mesmo concello o 8 de novembro de 1931, foi un xornalista e escritor galego.

Traxectoria

Emigrou a Arxentina en 1909, foi celador dun hospital en Buenos Aires. Amigo persoal e colaborador do presidente arxentino Hipólito Yrigoyen, colaborou no periódico La Nación. Retornou a Galicia en 1920, foi presidente da Federación Agraria da Estrada e tomou parte na fundación de El Emigrado en representación dos emigrados da Arxentina. En 1921, desconforme coa liña de El Emigrado ao que quería darlle un rumbo político máis neutral para contribuír á reunificación do agrarismo local, fundou o periódico La Estrada. Volveu marchar a Buenos Aires en decembro de 1926, asociouse á Unión Estradense, traballou no diario La Acción e dirixiu o semanario El Ideal Argentino. Novamente retornado á Estrada, na Segunda República foi director de Estrada Republicana e La República de Silleda, e correspondente de diversos xornais da emigración como La Libertad e Galicia de Buenos Aires. Foi tiroteado polo cura de Rubín, Manuel López García, o 1 de novembro de 1931, finando días despois.

Vida persoal

Casou en Buenos Aires con Dolores Fernández e foi pai de José Amor, María Angélica, Higinio, Francisco, Carmen e Elida Brea Fernández.

Obras

• Intereses y relaciones argentino-españolas, 1929.

Véxase tamén

Bibliografía

• Núñez Seixas, Xosé Manoel (1998). Emigrantes, caciques e indianos. Vigo: Xerais. p. 214. ISBN 84-8302-213-3. 

Ligazóns externas

• Garrido, Xoán Carlos: "Brea Abades, primeira vítima dos que nunca deixaron de matar"