Magda Goebbels

Magda Goebbels

Biografía
Nacemento	(de) Johanna Maria Magdalena Behrend 11 de novembro de 1901 Berlín, Alemaña
Morte	1 de maio de 1945 (43 anos) Führerbunker, Alemaña
Causa da morte	suicidio asistido, intoxicación por cianuro
Altura	1,64 m
Cor dos ollos	Azul
Cor do pelo	Louro
Actividade
Ocupación	política, propagandist (en)
Partido político	Partido Nacionalsocialista Alemán dos Traballadores
Familia
Cónxuxe	Joseph Goebbels (1931–1945) Günther Quandt (1921–1929)
Fillos	Harald Quandt  () Günther Quandt Helga Susanne Goebbels  () Joseph Goebbels Hildegard Traudel Goebbels  () Joseph Goebbels Helmut Christian Goebbels  () Joseph Goebbels Holdine Kathrin Goebbels  () Joseph Goebbels Hedwig Johanna Goebbels  () Joseph Goebbels Heidrun Elisabeth Goebbels  () Joseph Goebbels
Pai	Richard Friedländer
Premios
Insignia de Ouro do NSDAP
Descrito pola fonte	Obálky knih,

Magda Goebbels

Johanna Maria Magdalena Goebbels, nada en Berlín en 1901 e finada en 1945, foi a muller de Joseph Goebbels, considerada a primeira dama do Terceiro Reich.

Traxectoria

Orixe e primeiros anos

Filla de Auguste Behrend e de Oskar Ritschel, un rico enxeñeiro, que se divorcian cando Magda tiña tres anos. A súa nai casa con Richard Friedländer, un industrial xudeu. En 1906 trasládase a vivir co seu pai a Bruxelas, pouco despois a súa nai e padrasto trasládanse tamén a vivir á capital belga, e para o curso Magda queda interna no colexio das ursulinas. Co comezo da primeira guerra mundial en 1914 vese obrigada a marchar coa súa familia a Berlín. O seu pai, que se trasladara a Bad Godesberg e a quen Magda visitaba regularmente, influíu no seu achegamento ao budismo.

Matrimonios

En 1920 coñece a Günter Quandt, un dos homes máis ricos de Alemaña, co que casa o 4 de xaneiro de 1921 tras converterse ao protestantismo. En novembro tivo ao seu primeiro fillo, Harald. Pero o matrimonio non ía ben e comeza a manter relacións co dirixente sionista Chaim Arlosoroff, irmán dunha das súas mellores amigas. En 1929 divorciase de Quandt. En 1930 asistiu a un acto do NSDAP no que o participaba Goebbels e queda tan impresionada polo seu discurso que se afiliou ao partido nazi e consegue traballar como voluntaria nos arquivos da sede central do NSDAP, onde coñeceu persoalmente a Goebbels. O 19 de decembro de 1931 casaban, despois dunha suxestión de Adolf Hitler.

Descendencia

Con Goebbels tivo seis fillos:

• Helga Susanne (1 de setembro de 1932 † 12)
• Hildegard (Hilde) Traudel (13 de abril de 1934 † 11)
• Helmut Christian (2 de outubro de 1935 † 9)
• Hedwig (Hedda) Johanna (19 de febreiro de 1937 † 8)
• Holdine (Holde) Kathrin (1 de maio de 1938 † 7)
• Heidrun (Heide) Elisabeth (20 de outubro de 1940 † 4)

Terceiro Reich e suicidio

Logo da chegada de Hitler ao poder, Joseph Goebbles asumiu o posto de ministro de propaganda (marzo de 1933) e Magda asume o papel de primeira dama e modelo da nai alemá.

O 22 de abril de 1945, cando xa non quedaba moito para rematar a guerra Magda instálase coa súa familia no búnker da chancelaría, onde permanecía Hitler. O 1 de maio de 1945 Magda envelenou os seus fillos con cianuro e despois ela e o seu home suicidáronse.