Maeuntang

Na Galipedia, a Wikipedia en galego.
Maeuntang.

O mae-un tang é unha sopa de peixe picante da gastronomía de Corea cocida con gochujang (pasta de pemento chile vermello), kochukaru (chili moído) e diversas verduras. O pescado córtase en varios trozos e cócese con tenreira picada e verduras verdes tales como o agrón e crisantemo comestible. Engádese cebola, ravo, pemento chile, margarida coroada, allo e ás veces cabaciña e tofu para absorber a pasta de pemento chile, que é o principal condimento do prato. Logo sazónase con kochukaru, allo, salsa de soia e máis gochujang segundo o gusto.

Os restaurantes que ofrecen este prato permiten normalmente elixir aos clientes o peixe dun acuario. Moitos restaurantes especializados en marisco teñen varios acuarios dos que escoller. Peixes populares para este prato son o prago vermello, a robaliza, a corvina, o bacallau, o abadexo e incluso peixes de auga doce como a carpa e a troita. Ademais, tamén se poden engadir mariscos tales como cangrexos, ameixas e ostras para complementar esta sopa e mellorar o seu sabor.

Esta sopa é un dos platos máis populares de Corea cando se bebe soju. Se se pide con hoe (peixe cru) nun restaurante, a sopa faise entón normalmente a partir de sobras de peixes.

Véxase tamén[editar | editar a fonte]

Commons
Commons ten máis contidos multimedia na categoría: Maeuntang Modificar a ligazón no Wikidata