Lucidio Vimaraniz

Lucidio Vimaraniz
Biografía
Nacemento	c. 840 ; Guimarães
Morte	c. 922 (81/82 anos)
2º Conde de Portucale
	873 – 922 ; ← Vímara Pérez – Hermenexildo Gundisalviz → ; Xunto con: Hermenexildo Gotérrez, Munio Goterrez
Tenente Lugo
Tenente São Tomé de Negrelos (pt)
Datos persoais
País de nacionalidade	Reino de Asturias ; Reino de Galicia
Actividade
Ocupación	político , militar
Outro
Título	Conde
Cónxuxe	Gudilona Menendiz
Fillos	Aloito Lucídiz
Pai	Vímara Pérez

Lucidio Vimaraniz, finado c.922, foi un nobre galego-portugués e o segundo conde de Portucale, dende 873 ata a súa morte.

Traxectoria

Á morte do seu pai Vímara Pérez, o rei Afonso III confírelle o goberno do condado. Case non se sabe nada sobre o goberno de Lucidio, o que quizais indique a súa escasa participación na loita contra os mouros, que nesta zona estaba sendo protagonizada por Hermenexildo Gotérrez.

Nun documento, chámaselle "señor dos colonos de Negrelos", sobre o que os historiadores conclúen que o conde continúa coa política colonizadora do seu pai.^{[Cómpre referencia]}

Suponse que cara ao 895, Afonso III transfire o goberno do condado ao conde da recentemente conquistada Coímbra, Hermenexildo, quen capturara ao duque de Galicia rebelde Vitiza en 894. Hermenexildo gobernou Portucale ata polo menos o 7 de maio de 899, cando se emite a última carta asinada por el. Existe tamén a teoría de que o goberno do condado fose conxunto entre ámbolos condes.^[1]

Lucídio gobernou como tenente de parte do territorio de Lugo no 910, e no 911 aparece como previsor en Dume. Lucídio era membro da corte e como tal confirmou varias cartas reais entre o 887 e o 917.^[2]

Nunha carta de 927 firmada por Sancho I Ordóñez, Lucidio é mencionado como o antigo propietario de terras na diocese de Santiago de Compostela, pero non deixa claro se Lucidio xa estaba morto ou seguía vivo.^{[Cómpre referencia]}

Familia

Aínda que o seu parentesco non está confirmado tódolos historiadores coinciden en que, debido ao seu pratonímico pouco común, foi o fillo de Vímara Pérez.^[1]^[2]

Casou con Gudilona Menendiz, aínda que o seu parentesco tampouco está confirmado o historiador António Fernandes Almeida cre que probablemente fose a filla de Hermenexildo Gotérrez e Hermesinda Gatóniz, pero José Mattoso puntualiza que non hai probas suficientes para sustentar esa relación. Os dous aparecen xuntos en 915 donando Fermoselhe á Catedral de Coímbra.^[3]^[2]^[1] Foron pais de:

Tedón Lucídiz.^[2]
Vermudo Lucídiz.^[2]
Aloito Lucídiz, esposo de Munia Díaz.^[2]
Rodrigo Lucídiz.^[2]
Sueiro Lucídiz.

Notas

↑ ^1,0 ^1,1 ^1,2 Sáez, Emilio (1947). "Los ascendientes de San Rosendo: notas para el estudio de la monarquía astur-leonesa durante los siglos IX y X". Hispania: revista española de Historia. OCLC 682814356.
↑ ^2,0 ^2,1 ^2,2 ^2,3 ^2,4 ^2,5 ^2,6 Mattoso, José (1981). "As famílias condais portucalenses dos séculos X e XI". A nobreza medieval portuguesa, a família e o poder (Editorial Estampa). OCLC 8242615.
↑ Herculano, Alexandre (1868). "Portugaliae Monumenta Historica: Diplomata et chartae" 1. Academia de Ciencias de Lisboa. OCLC 504624362.

Aristocracia galega
Lucidio Vimaraniz Casa de Portucale Nacemento: c.840 Falecemento: c.922
Precedido por Vimara Pérez	Conde de Portucale 873 – 895 ou c.922	Sucedido por Hermenexildo Gotérrez

[:0-1] 1,0 ^1,1 ^1,2 Sáez, Emilio (1947). "Los ascendientes de San Rosendo: notas para el estudio de la monarquía astur-leonesa durante los siglos IX y X". Hispania: revista española de Historia. OCLC 682814356.

[:1-2] 2,0 ^2,1 ^2,2 ^2,3 ^2,4 ^2,5 ^2,6 Mattoso, José (1981). "As famílias condais portucalenses dos séculos X e XI". A nobreza medieval portuguesa, a família e o poder (Editorial Estampa). OCLC 8242615.

[3] Herculano, Alexandre (1868). "Portugaliae Monumenta Historica: Diplomata et chartae" 1. Academia de Ciencias de Lisboa. OCLC 504624362.

[1]

[2]

[3]