Lisbeth Palme
.jpg) (2016)  | |
| Biografía | |
|---|---|
| Nacemento | (sv) Anna Lisbeth Christina Beck-Friis 14 de marzo de 1931 Estocolmo, Suecia |
| Morte | 18 de outubro de 2018 (87 anos) Vällingby distrikt, Suecia |
| Lugar de sepultura | Adolf Fredrik Church cemetery (en)  59°20′16″N 18°03′37″L / 59.33764, 18.06014 |
| Spouse of the Prime Minister of Sweden (en) | |
| 8 de outubro de 1982 – 28 de febreiro de 1986 ← Solveig Fälldin (en) | |
| Spouse of the Prime Minister of Sweden (en) | |
| 14 de outubro de 1969 – 8 de outubro de 1976 ← Aina Erlander (pt) – Solveig Fälldin (en) → | |
 Embaixadora de boa vontade de UNICEF | |
| | |
| Datos persoais | |
| Educación | Universidade de Estocolmo |
| Actividade | |
| Ocupación | política, psicóloga |
| Empregador | UNICEF |
| Partido político | Partido Operário Social-Democrata da Suécia (pt) |
| Familia | |
| Cónxuxe | Olof Palme (1956–1986) |
| Fillos | Joakim Palme, Mårten Palme, Mattias Palme |
| Pai | Christian Beck-Friis |
| Irmáns | Ebbe Beck-Friis |
| Descrito pola fonte | Svenskt kvinnobiografiskt lexikon, lang: lingua sueca, lingua inglesa |
  | |
Anna Lisbeth Christina Palme, nada Beck-Friis en Estocolmo o 14 de marzo de 1931 e finada na mesma cidade o 18 de outubro de 2018 [1], foi unha psicóloga infantil sueca, presidenta da UNICEF (1990-1991) e muller do primeiro ministro, Olof Palme dende 1956 ata a súa morte en 1986.
Traxectoria
[editar | editar a fonte]
Procedía dunha familia da nobreza sueca, os Beck-Friis. Seu pai era o enxeñeiro civil Christian Beck-Friis e súa nai Anna-Lisa, de solteira Bollíng. Tras rematar os seus estudos na Nya Elementarskolan för flickor en 1950 cursou estudos na Universidade de Estocolmo ata licenciarse en 1955[2]. Ao ano seguinte casou co político Olof Palme o 9 de xuño de 1956, que se converteu en primeiro ministro sueco, primeiro entre 1969 e 1976 e de novo de 1982 a 1986.[3], con quen tivo tres fillos: Joakim, Mårten e Mattias.[4]
Lisbeth Palme traballou como psicóloga infantil, durante un tempo para o Consello do Condado de Estocolmo e despois na Administración social de Estocolmo. Foi presidenta do Comité da UNICEF sueca entre 1987 e 1999 e presidenta internacional de UNICEF de 1990 a 1991[5]. Entre outras tarefas internacionais, foi membro do Comité das Nacións Unidas para os Dereitos do Neno en 1998 e formou parte do comité da Unión Africana que investigou o xenocidio de Ruanda e que presentou as súas conclusións no ano 2000. Lisbeth Palme tamén estivo implicada na expansión dos xardíns de infancia suecos.
No asasinato de Olof Palme en 1986, Lisbeth Palme foi a testemuña do asasinato, o 28 de febreiro de 1986, do seu marido máis próxima e durante unha dilixencia de recoñecemento, sinalou que fora Christer Pettersson o asasino. Mais, segundo un detective presente, tamén comentou que era evidente que Pettersson era alcólico [6] o que se podería interpretar que xa se informarara previamente e sabía que esa persoa tiña problemas co alcol mais as drogas [6]o que se consideraba que deterioraba a credibilidade do seu testemuño. Ao longo dos anos, diversos expertos, apuntaron a posibilidade que Lisbeth identificara o home errado[7].
Notas
[editar | editar a fonte]- ↑ "Lisbeth Palme har avlidit". SVT Nyheter. 18 de outubro de 2018.
- ↑ "Bilden Palme helst hade sluppit vara med på". Svenska Dagbladet. 12 de febreiro de 2016.
- ↑ "Who Murdered Olof Palme?". Observer. 16 de novembro de 2016.
- ↑ "Sönerna: "Olof Palme var en gladlynt och positiv person"". Dagens Nyheter. 26 de febreiro de 2016.
- ↑ "Lisbet Palme, widow of murdered Swedish PM, dies aged 87". The Local. 18 de outubro de 2018.
- ↑ 6,0 6,1 "LEDARE: Lisbet Palme har skäl att vara kritisk". Aftonbladet. 25 de outubro de 2001.
- ↑ "Palmeexpert: Lisbet hade fel i vittnesmålet". Aftonbladet. 28 de febreiro de 2013.
