Leticia Santos Paz

Leticia Santos Paz
Nome completo	Leticia Santos Paz
Nacemento	1 de marzo de 1985
Lugar de nacemento	Moaña
Nacionalidade	España
Alma máter	Universidade de Vigo
Ocupación	política
	[ editar datos en Wikidata ]
	v; c; e;

Leticia Santos Paz, nada en Moaña o 1 de marzo de 1985, é unha política galega do BNG. Traballou como responsable comercial. Nas municipais de 2015 encabezou a candidatura do BNG á alcaldía de Moaña^[1], obtendo 6 concelleiros, e foi elixida alcaldesa co apoio dos 3 concelleiros do PSdeG-PSOE.

Traxectoria[editar | editar a fonte]

Viviu en Moaña ata os tres anos, cando se trasladou coa súa familia a Cacheiro (A Canicouva, Pontevedra). Estudou na EEI de Paredes, no CPI do Toural e no CEIP de Reibón, ao regresar en 1992 a Moaña. Despois estudou no IES As Barxas e licenciouse en Administración e Dirección de Empresas pola Universidade de Vigo.

Participou no grupo de marionetas do instituto e practicou taekwondo. Logo de gañar o campionato galego con 16 anos e quedar subcampioa de España, chegou a formar parte do equipo da Universidade de Vigo que se proclamou campión estatal universitario. No 2006 acadou a nivel individual o campionato estatal e participou no Campionato do Mundo Universitario de Valencia, chegando até cuartos de final.

Despois de rematar a licenciatura, comezou a traballar como asesora económico-financeira para unha compañía de seguros. Tras dous anos, é contratada por unha empresa especializada en solucións enerxéticas como responsable comercial de cliente doméstico.

Entrou na política da man de Diego Riobó, concelleiro de Cultura en Moaña, quen a animou a ir na candidatura ás eleccións municipais de 2011, no posto número 12. Tras a morte de Diego en setembro de 2011 tivo un maior achegamento á formación política, na que milita desde o 2013.

Predecesor:
José Fervenza Costas