Lapa olímpica

A pira olímpica de Londres 2012, conformado por 204 «pétalos» —«cuncas de cobre»—, foi acendido por sete novos atletas entre as 00:24 e as 00:38 BST do 28 de xullo de 2012.

A lapa olímpica, tamén chamada de flama olímpica ou chama olímpica (en inglés: Olympic flame, ; en francés, Flamme olympique) é un símbolo dos Xogos Olímpicos. Conmemora o roubo do lume dos deuses por parte de Prometeo e a súa posterior entrega á humanidade. As súas orixes remóntanse á antiga Grecia, onde se mantiña un lume a arder nas sedes de celebración dos Xogos Olímpicos Antigos. O lume foi reintroducido nos Xogos Olímpicos de Ámsterdam 1928 e desde entón foi parte fundamental dos Xogos Olímpicos Modernos.

A Carta Olímpica define a lapa olímpica como «a lapa que se acende en Olimpia baixo a autoridade do COI» e, neste sentido, «un facho olímpico é un facho portábel aprobado polo COI e destinado á combustión da lapa olímpica».

En Berlín 1936 introduciuse por primeira vez unha viaxe de substitucións para levar a lapa dense Olimpia á sede dos Xogos. O percorrido do facho olímpico inicia co aceso de lapa en Olimpia e finaliza co aceso do peveteiro ou pira olímpica durante a cerimonia de apertura na cidade sede. Ao contrario da lapa, o percorrido non ten un precedente antigo.

Aceso da pira olímpica en Seúl 1988.