La Passion de Jeanne d'Arc

Na Galipedia, a Wikipedia en galego.
La passion de Jeanne d’Arc
Ficha técnica
Director Carl Theodor Dreyer
Guión Joseph Delteil
Carl Theodor Dreyer
Intérpretes Maria Falconetti
Eugene Silvain
André Berley
Fotografía Rudolph Maté
Montaxe Marguerite Beaugué
Carl Theodor Dreyer
Estudio Societé generale de films
Estrea 21 de abril de 1928
Duración 82 minutos
Orixe Flag of France.svg Francia
Xénero Drama histórico

La passion de Jeanne d’Arc é un filme mudo dirixido por Carl Theodor Dreyer en 1928.

Argumento[editar | editar a fonte]

A heroína francesa Xoana de Arco é levada ao tribunal. Os xuíces tratan de que diga algo que negue a súa afirmación de ser unha enviada de Deus para loitar contra os ingleses, mais ela mantense firme. Ensínanlles cartas falsas, pero aínda así non o conseguen. Cando xa está na cacharela pide un sacerdote, pero ao final tamén o acaba rexeitando.

Personaxes[editar | editar a fonte]

  • Maria Falconetti como Xoana de Arco
  • Eugène Silvain como o bispo Pierre Cauchon
  • André Berley como Jean d'Estivet
  • Maurice Schutz como Nicolas Loyseleur
  • Antonin Artaud como Jean Massieu
  • Michel Simon como Jean Lemaître
  • Jean d'Yd como Guillaume Evrard
  • Ravet como Jean Beaupère
  • André Lurville como xuíz
  • Jacques Arnna como xuíz
  • Alexandre Mihalesco como xuíz
  • Léon Larive como xuíz

Produción[editar | editar a fonte]

O filme foi dirixido por Dreyer tralo éxito en Dinamarca de Du skal ære din hustru. A realización do filme durou un ano e medio, que resultou unha tortura para os participantes, especialmente para a protagonista, Maria Falconetti.

Gran parte do orzamento foi dedicado á recreación dos decorados, a pesar de que a utilización de primeiros planos fai que non se vexan en moitos momentos.

O filme sufriu diversos problemas de montaxe, comezando pola censura obrigada polo arcebispo de París, así como pola perda do negativo orixinal no incendio dos estudios UFA de Berlín.

A principios dos anos oitenta apareceu unha copia nun sanatorio mental de Oslo.[1]

Notas[editar | editar a fonte]

  1. Manel Carrasco (8 de marzo de 2013). El blog de filmin, ed. "15 claves que quizás no conozcas sobre "La Pasión de Juana de Arco"". Consultado o 1 de decembro de 2013.  (en castelán)

Véxase tamén[editar | editar a fonte]

Ligazóns externas[editar | editar a fonte]