Ken Saro-Wiwa

Ken Saro-Wiwa
	;
Biografía
Nacemento	10 de outubro de 1941 ; Bori
Morte	10 de novembro de 1995 (54 anos); Port Harcourt
Causa da morte	pena de morte, enforcamento
Lugar de sepultura	cemiterio de Port Harcourt
Educación	Universidade de Ibadan ; Government College Umuahia
Actividade
Campo de traballo	Activista medioambiental, escritor, poeta, activista, produtor de televisión e autor
Ocupación	escritor, activista medioambiental, produtor de televisión, autor, activista, poeta, guionista, produtor
Empregador	Universidade de Lagos
Membro de	Movemento pola Supervivencia do Pobo Ogoni
Movemento	Ecoloxismo
Obra
	Obras destacables (1987) Basi and Company; (1993) A Bride For Mr B ;
Familia
Fillos	Ken Wiwa, Noo Saro-Wiwa, Zina Saro-Wiwa
Pai	Jim Wiwa
Premios
	(1995) Premio Medioambiental Goldman; (1994) Premios Nobel Alternativos; Premio Bruno Kreisky; Premio Evelyn F. Burkey ;
Descrito pola fonte	Dictionary of African Biography,

Kenule Beeson Saro-Wiwa, nado o 10 de outubro de 1941 e finado o 10 de novembro de 1995, foi un autor, produtor de televisión e activista nixeriano.

Traxectoria

Ken Saro-Wiwa era un home de paz, un gran defensor dos dereitos humanos. Loitou de forma non-violenta pola dignidade dos pobos do Delta do Níxer. Concedéronlle o premio alternativo ao Nobel da Paz en 1994 polo "correcto modo de vivir" e Amnistía Internacional outorgoulle o estatuto de preso de conciencia. En 1995 galardoárono pola defensa do Medio Ambiente.

Preocupábao moito a situación de precariedade do seu pobo debido ás extraccións de petróleo que se estaban realizando na zona, contaminando e pondo en perigo o ecosistema, empobrecendo e reducindo as terras cultivábeis. En 1990 fundou o Movemento para a Supervivencia do Pobo Ogoni (MOSOP), desde o cal reclamaban: autonomía política, participación nas riquezas petroleiras extraídas das súas terras e o dereito a controlar o seu contorno ecolóxico. Saro-Wiwa foi o seu voceiro.

Aproveitando a súa sona de escritor e das súas relacións con outros autores quixo atraer a atención do mundo sobre a situación do pobo Ogoni. Denunciou o goberno e a compañía petrolífera Shell de seren os culpábeis da destrución do ecosistema da rexión, reclamándolle á Shell indemnizacións. Isto causoulle conflitos co goberno e coa Shell, sendo encarcerado en varias ocasións.

En 1994 asasinan nunha manifestación na rúa catro xefes Ogoni. Saro-Wiwa é arrestado de novo, xunto con oito compañeiros culpados por incitación á violencia. Xulgouno un tribunal militar especial, e foi acusado de complicidade neses asasinatos sen posibilidade de defensa. Sentenciárono a morte e posteriormente aforcárono o 10 de novembro de 1995 en Port Hacourt cos seus compañeiros Ogoni.

Véxase tamén

Ligazóns externas

Remember Saro Wiwa Website (en inglés).
Ken Saro Wiwa Foundation (en inglés).