Kastós (en grego, Καστός) é unha illa grega e unha comunidade das Illas Xónicas. Desde a reforma de 2011 dos gobernos locais forma parte do concello de Lefkada, do cal é unha unidade municipal.[1] Forma parte da prefectura de Lefkada. Ata mediados da década de 1970, a illa foi administrada por Cefalonia na prefectura de Itaca. A illa máis próxima é Kálamos, cunha canle profunda entre elas, a parte continental está, aproximadamente, a 5 km ao nordés da prefectura de Aitoloakarnania. Kastós ten unha escola, unha igrexa e unha praza (plateia), o liceo (escola media) e o ximnasio (escola secundaria) máis próximos atópanse na prefectura de Aitoloakarnania na Grecia continental, pero a maioría dos seus estudantes tamén asisten aos de Nydri (na illa de Lefkada).
A illa ten 7 km de longo de norte a sur e 800 m de ancho. Cunha superficie de 5´901 km², e o seu punto máis alto é de 142 m sobre o nivel do Mediterráneo.
A illa ten unha soa vila, a homónima Kastós, situado na costa leste. Ten unha poboación de ao redor de 120 habitantes, que se dedican principalmente á pesca e os servizos turísticos. Durante o verán a diáspora retorna a Kastioti para as vacacións e, xunto coa flutuación dos visitantes que chegan en barcos, forman o seu carácter estacional.
) × 8 (
) km 
