Juan de Jesús
  | |
| Biografía | |
|---|---|
| Nacemento | decembro de 1615 Icod de los Vinos |
| Morte | 6 de febreiro de 1687 (71 anos) San Cristóbal de La Laguna |
| Datos persoais | |
| País de nacionalidade | España |
| Relixión | Igrexa católica |
| Actividade | |
| Ocupación | sacerdote católico |
| Lingua | Lingua castelá |
| Orde relixiosa | Orde dos Freires Menores |
| Enaltecemento | |
| Día de festividade relixiosa | 6 de febreiro |
Juan Hernández y Delgado, na relixión Juan de Jesús, nado en Icod de los Vinos, Tenerife, bautizado o 20 de decembro de 1615, e finado en San Cristóbal de La Laguna o 6 de febreiro de 1687, foi un frade franciscano e místico español.[1]
Traxectoria[editar | editar a fonte]
Naceu en Icod, no norte da illa de Tenerife. Bautizado na parroquia de San Marcos, recibiu o nome de Juan, coma o avó materno. Foi descendente do último mencey guanche de Daute, Diego de Baute, honrado polos Reis Católicos con brasón e herdanzas, quen testou declarándose "guanche e católico".[2] Aos dez anos traballou como aprendiz de toneleiro en Garachico.[1] O dono do negocio maltratou ao neno e nunha ocasión botouno ó lume: o neno perdeu a vista dun ollo. Aprendeu a ler e mudouse á cidade de Puerto de la Cruz, onde comezou a sentir fenómenos místicos, incluída unha famosa levitación que as crónicas din que foi vista por moitos residentes na cidade, sorprendidos polo feito.
En 1646, tomou o hábito franciscano e ingresou como irmán laico no convento de San Juan Baptista de Puerto de la Cruz, tomando o nome de Juan de Jesús. Fixo todo tipo de traballos, ata que foi trasladado ao convento de San Diego del Monte, preto da cidade de San Cristóbal de La Laguna. Alí gañou a fama de santidade pola súa humildade, caridade cara aos pobres e enfermos, a súa capacidade de oración e os fenómenos místicos que tiña (visións, etc.). Alí coñeceu a María de Jesús de León y Delgado, a que lle deu moitos consellos espirituais.[3] O 6 de febreiro de 1687, Frei Juan de Jesús morreu cunha gran reputación de santidade: tiña 71 anos e levaba tempo enfermo.
Foi enterrado na igrexa de San Diego do Monte, onde era venerado.[4] Na actualidade estase a procesar a beatificación.[2]
Notas[editar | editar a fonte]
- ↑ 1,0 1,1 "Fray Juan de Jesús, camino de Santidad". Arquivado dende o orixinal o 21 de outubro de 2013. Consultado o 28 de setembro de 2019.
- ↑ 2,0 2,1 "Fray Juan de Jesús, camino de Santidad". Arquivado dende o orixinal o 21 de outubro de 2013. Consultado o 21 de outubro de 2013.
- ↑ Nace en Tenerife la Sociedad de Amigos de Fray Juan de Jesús
- ↑ La ermita celebra dos aniversarios centenarios este año
