Juan Manuel Vidal García
  | |
| Biografía | |
|---|---|
| Nacemento | 1886 Baión, España |
| Morte | setembro de 1936 (49/50 anos) Santiago de Compostela, España |
| Alcalde de Arzúa | |
| | |
| Datos persoais | |
| País de nacionalidade | España |
| Actividade | |
| Ocupación | político , industrial |
| Lingua | Lingua castelá e lingua galega |
| Familia | |
| Cónxuxe | María Alicia Viaño García |
Juan Manuel Vidal García, nado en Baión (Vilanova de Arousa) en 1886 e finado en Santiago de Compostela a principios de setembro de 1936, foi un industrial e político galego.
Traxectoria[editar | editar a fonte]
Estivo emigrado na Arxentina desde onde remitiu diñeiro para a construción de escolas en varias parroquias. Retornado a Arzúa, estableceu un negocio de importación de apeiros de labranza da Arxentina. Na ditadura de Primo de Rivera foi nomeado concelleiro de Arzúa (1924). Na República foi elixido concelleiro de Arzúa en 1931. A finais de decembro de 1932 foi elixido alcalde de Arzúa, permanecendo no cargo até 1936. Co golpe de Estado do 18 de xullo de 1936 foi detido e asasinado en Santiago de Compostela a principios de setembro de 1936. Xulgado en Compostela por rebelión nun proceso iniciado o 25 de agosto, foi declarado en rebeldía. A pesar de ter sido paseado a principios de setembro, o Xulgado Militar de Santiago de Compostela publicou en novembro unha requisitoria citándoo xunto con José Corzo Conde.[1] A súa familia quedou sen licenza para comercializar apeiros.
| Predecesor: Jesús Vilas Lamas |
 Alcalde de Arzúa 1932 - 1936 |
Sucesor: Jesús Souto Vilas |
Vida persoal[editar | editar a fonte]
Casou con María Alicia Viaño García.
Notas[editar | editar a fonte]
- ↑ El Pueblo Gallego, 27-11-1936, p. 10
Véxase tamén[editar | editar a fonte]
Bibliografía[editar | editar a fonte]
- Lanero Táboas, Daniel (2006). Os remendos da memoria. A represión franquista no Concello de Arzúa (1936-1950). Arzúa: Concello. ISBN 84-606-4054-X.
- Lanero Táboas, Daniel (2007). "Unha nova ollada á represión franquista en Galicia: Motivacións e extracción social dos represores. O caso de Arzúa" (PDF). Semata 19: 221–239. Arquivado dende o orixinal (PDF) o 05 de marzo de 2016. Consultado o 22 de xaneiro de 2014.
Ligazóns externas[editar | editar a fonte]
- Juan Manuel Vidal García na páxina web Nomes e Voces.
- "O pleno de Arzúa homenaxea ao rexedor republicano Juan Manuel Vidal, fusilado en 1936". La Voz de Galicia. 28 de outubro de 2003. Archived from the original on 11 de marzo de 2016. Consultado o 23 de xaneiro de 2014.