Juan Manuel Vidal García
Juan Manuel Vidal García, nado en Baión (Vilanova de Arousa) en 1886 e finado en Santiago de Compostela principios de setembro de 1936, foi un industrial e político galego.
Traxectoria[editar | editar a fonte]
Estivo emigrado na Arxentina desde onde remitiu diñeiro para a construción de escolas en varias parroquias. Retornado a Arzúa, estableceu un negocio de importación de apeiros de labranza da Arxentina. Na ditadura de Primo de Rivera foi nomeado concelleiro de Arzúa (1924). Na República foi elixido alcalde de Arzúa en 1932, permanecendo no cargo ate 1936. Co golpe de Estado do 18 de xullo de 1936 estivo agochado, foi xulgado en Santiago de Compostela por rebelión nun proceso incoado o 25 de agosto. Declarado en rebeldía, foi detido e paseado en Compostela a principios de setembro de 1936. A súa familia quedou sen licenza para comercializar apeiros.
| Predecesor: Jesús García Conde |
 Alcalde de Arzúa 1932 - 1936 |
Sucesor: - |
Véxase tamén[editar | editar a fonte]
Bibliografía[editar | editar a fonte]
- Lanero Táboas, Daniel (2006). Concello, ed. Os remendos da memoria. A represión franquista no Concello de Arzúa (1936-1950). Arzúa. ISBN 84-606-4054-X.
- Lanero Táboas, Daniel (2007). "Unha nova ollada á represión franquista en Galicia: Motivacións e extracción social dos represores. O caso de Arzúa" (PDF). Semata 19: 221–239. Consultado o 22 de xaneiro de 2014.
Ligazóns externas[editar | editar a fonte]
- Juan Manuel Vidal García na páxina web Nomes e Voces.
- "O pleno de Arzúa homenaxea ao rexedor republicano Juan Manuel Vidal, fusilado en 1936", artigo en La Voz de Galicia, 28 de outubro de 2003.
