José Ramón Barral
| Biografía | |
|---|---|
| Nacemento | decembro de 1943  Ribadumia, España |
| Morte | 23 de novembro de 2023 (79 anos) Ribadumia, España |
| Alcalde de Ribadumia | |
| | |
| Datos persoais | |
| Outros nomes | Nené |
| País de nacionalidade | España |
| Actividade | |
| Ocupación | político , contrabandista , empresario |
| Partido político | Alianza Popular Partido Popular de Galicia |
| Lingua | Lingua galega e lingua castelá |
José Ramón Barral Martínez, Nené, nado en Ribadumia a finais de decembro de 1943 e finado na mesma vila o 23 de novembro de 2023,[1] foi un político e contrabandista galego, que foi alcalde de Ribadumia moitos anos.
Traxectoria[editar | editar a fonte]
Era socio do contrabandista Vicente Otero Pérez, Terito, nun concesionario de automóbiles. Ao falecer Otero, Barral continuaría co negocio[2], segundo sinalaron as investigacións posteriores.
Foi, durante 18 anos, alcalde do concello pontevedrés de Ribadumia polo PPdeG. Foi elixido alcalde tralas municipais de 1983, encabezando Alianza Popular e logrando a maioría absoluta. Revalidou a maioría nos comicios de 1987, 1991, 1995 e 1999. En outubro de 1998 anunciouse a súa retirada da carreira electoral en favor de Rafael Louzán. Porén, en abril de 1999 deu marcha atrás volvendo a encabezar a candidatura con Louzán de número 2.
Dimitiu en 2001 despois de ser detido, o 14 de maio, por contrabando de tabaco.[3] Foi substituído na alcaldía por Salomé Peña Muñiz, número 3 da candidatura popular, e foi expulsado da formación política.
Candidatura de Independentes por Ribadumia[editar | editar a fonte]
Nas municipais de 2003 encabezou os Independentes por Ribadumiaː empatou a 5 concelleiros co PPdeG, encabezado pola súa sucesora, ao quedar a tan só 2 votos de gañarlle; o BNG obtivera o outro concelleiro, e Peña seguiu na alcaldía trala abstención do edil nacionalista. Volveu concorrer ás municipais de 2007, pero nesta ocasión o PPdeG logrou un resultado máis contundente e a maioría absoluta. Nas eleccións municipais de 2011, Independentes por Ribadumia non se presentou, tras unha escasa actividade ao longo da anterior lexislatura, aínda que volveu en 2015 encabezado por David Castro Mougán, sen unha influencia visible da Barral, e logrou a alcaldía grazas ao apoio dos grupos de esquerda.
Investigación[editar | editar a fonte]
No ano 1996, comezara ser investigado como sospeitoso por contrabando de tabaco.[4] Como consecuencia, no 2001 prendérono trala incautación de máis de 400 000 caixas de tabaco en colectores no Porto de Vigo,[5] e dimitiu da alcaldía; porén, aos poucos días foi posto en liberdade. Vinte e un anos despois da súa detención, no verán de 2022, recomezou o xuízo pendente pero, finalmente, suspendeuse pola enfermidade dun dos intervintes[4] e a nova vista quedou fixada para decembro de 2022.[6] O fiscal pedíalle 10 anos de prisión e 15 millóns de euros polas acusacións de contabando, suborno e asociación ilícita[6][7], se ben el declarouse inocente.[8]
En 2016, xa fora condenado por defraudar a Facenda máis de 300 000 euros[6], logo de chegar a un acordo coa acusación. Nunca chegou a ser xulgado por mor da súa enfermidade[9], un cancro de colon, do que acabaría falecendo[10] a finais de 2023.
| Predecesor: Dolores Abuín Martínez |
 Alcalde de Ribadumia 1983 - 2001 |
Sucesor: Salomé Peña |
Notas[editar | editar a fonte]
- ↑ Natalia Puga (23 de novembro de 2023). "Falece o histórico alcalde de Ribadumia Nené Barral, pendente de xulgar por contrabando". Pontevedra Viva.
- ↑ Lois, Elisa (2023-04-10). "Las principales pruebas de contrabando contra el exalcalde gallego ‘Nené' Barral se desmoronan". El País (en castelán). Consultado o 2023-11-23.
- ↑ "El fiscal solicita 8 años de cárcel..." Faro de Vigo, 29/12/14 (en castelán).
- ↑ 4,0 4,1 Fidalgo, Antonio P. (1 de agosto de 2022). "La increíble historia de José Ramón Barral: continúa a la espera de juicio tras 26 años en el punto de mira policial". elcorreogallego.es (en castelán). Consultado o 20 de novembro de 2022.
- ↑ Redacción (30 de setembro de 2022). "Nuevo intento por juzgar a Nené Barral por contrabando 21 años después de su arresto". farodevigo.es (en castelán). Consultado o 20 de novembro de 2022.
- ↑ 6,0 6,1 6,2 Puga, Natalia (30 de abril de 2022). "El último capo del contrabando en Galicia, en el banquillo 21 años después de su detención". elmundo.es (en castelán). Consultado o 20 de novembro de 2022.
- ↑ Axencia EFE (30 de setembro de 2022). "Exalcalde Nené Barral, juzgado por contrabando 21 años después de su arresto". cope.e (en castelán). Consultado o 20 de novembro de 2022.
- ↑ Romero, Javier; González, Serxio (23 de setembro de 2022). "La Audiencia de Pontevedra retoma el juicio de la causa de contrabando por la que Nené Barral dimitió hace 21 años". lavozdegalicia.es (en castelán).
- ↑ Lois, Elisa (2023-09-01). "Nené Barral vuelve a esquivar el banquillo: el juicio interminable al exalcalde contrabandista del PP". El País (en castelán). Consultado o 2023-11-23.
- ↑ Martínez, Anxo (2023-11-23). "Muere el exalcalde de Ribadumia Nené Barral". Faro de Vigo (en castelán). Consultado o 2023-11-23.