José Costa Figueiras
José Costa Figueiras, nado en Toiriz (Pantón) o 4 de abril de 1880 e finado en Chantada o 5 de xuño de 1955, foi un escritor e xornalista galego.
Traxectoria
Estudou o bacharelato en Ourense e comezou a súa carreira xornalística nos xornais lugueses El Regional e La Idea Moderna e en Heraldo de Lemos de Monforte de Lemos. Trasladouse a Barcelona en 1903 e alí colaborou na prensa, foi correspondente do madrileño Diario Universal dende 1906 e foi redactor de Enciclopedia Ilustrada impresa pola Editorial Seguí. Regresou a Chantada en 1910 e fundou o semanario Faro-Miño, que deixou de publicarse cando emigrou á Arxentina a finais dese ano. En Bos Aires traballou na oficina recadadora de impostos, na redacción do diario La Argentina e comezou o seu labor literario. Alí fundou e dirixiu a revista Rojo y Gualda, dirixiu o boletín do Centro Gallego e foi presidente fundador da Asociación de Chantada y de su Partido (1915). Regresou a España en 1917, traballando no xornal madrileño El Fígaro. En 1920 fundou e dirixiu en Chantada El Regionalista. Destinado durante algún tempo na Delegación de Traballo de Lugo, en 1947 pasou á Sección de Estudos e Publicacións do Ministerio en Madrid, cargo no que se xubilou en 1950. Neste ano regresou á súa residencia de Chantada, onde faleceu.
Foi pai do tamén xornalista e escritor Xavier Costa Clavell.
Obras
- La risa de Dios, 1913.
- España en ultramar: La sugestión de América (1919) e Las fraguas de la fortuna (1920).
- En tierras del Plata, 1921.
- Los agros de Sureda, 1926.
Véxase tamén
Bibliografía
- Rodríguez Porto, Ramón; Sánchez Moure, Ánxel (1988). Deputación Provincial, ed. Chantada na súa prensa (1908-1931). Lugo. ISBN 84-86824-51-6. A referencia usa o parámetro obsoleto
|coautores=
(Axuda);