El Regional
El Regional foi un xornal editado en Lugo entre 1884 e 1931.[1]
Historia e características[editar | editar a fonte]
Subtitulado Diario de Lugo (que despois variou por Diario ilustrado de Lugo), apareceu en outubro de 1884[2]. Fundado por José Fernández Carballo, era un periódico rexionalista vencellado ao Partido Republicano Federal que fundou Aureliano Pereira. Definiuse como o primeiro xornal rexionalista galego e continuador de El Diario de Lugo.[1] Aureliano Pereira foi o seu director ata 1893. Posteriormente foi dirixido por Manuel Amor Meilán, Benigno Varela Pérez e José Vega Blanco. Publicáronse en El Regional novelas, lendas e estudos históricos, ademais de colaboracións literarias e un folletín. O xornal mantívose ata 1931.
Notas[editar | editar a fonte]
- ↑ 1,0 1,1 VV.AA (1997). Vilavedra, Dolores, ed. Diccionario Literatura Galega II. Publicacións periódicas. Vigo: Galaxia. p. 407. ISBN 84-8288-137-X.
- ↑ Gaceta de Galicia, 21-10-1884, p. 2.
Véxase tamén[editar | editar a fonte]
Bibliografía[editar | editar a fonte]
- Santos Gayoso, Enrique (1990). Historia de la Prensa Gallega 1800-1986. Sada: Do Castro. ISBN 84-7492-489-8.
