Johann Benedict Listing

Na Galipedia, a Wikipedia en galego.
Saltar ata a navegación Saltar á procura
Johann Benedict Listing
J-B-Listing.jpg
Nacemento25 de xullo de 1808
 Frankfurt
Falecemento24 de decembro de 1882
 Gotinga
NacionalidadeAlemaña, Confederación do Rin, Confederación Xermánica e Imperio Alemán
Alma máterUniversidade de Gotinga
Ocupaciónmatemático, topólogo, físico e catedrático de universidade
editar datos en Wikidata ]

Johann Benedict Listing, nado en Frankfurt o 25 de xullo de 1808 e finado en Göttingen o 24 de decembro de 1882, foi un matemático alemán.

Traxectoria[editar | editar a fonte]

En 1830 ingresou na Universidade de Göttingen, onde foi alumno de Gauss. En 1834 expuxo a súa tese titulada De superficiebus secundi ordinis. Foi o primeiro en utilizar a palabra topoloxía en vez do termo usual na época de xeometría situs, querendo destacar desa maneira a autonomía crecente desta disciplina.

A partir de 1837 impartiu clases de matemáticas en Hannover, recibindo en 1839 a cátedra de física. En 1847 publicou Vorstudien zur Topologie. En 1858 descubriu as propiedades topolóxicas do que actualmente se coñece co nome de banda de Möbius, de forma independente a este último. En 1862 na súa obra Der Census raumlicher Complexe oder Verallgemeinerung des Euler'schen Satzes von den Polyedern xeneralizou para os complexos simpliciais a Característica de Euler dos poliedros.

Listing interesouse tamén pola xeodesia e a el débeselle o termo de xeoide.

Véxase tamén[editar | editar a fonte]

Ligazóns externas[editar | editar a fonte]

  • [1]. Artigo de 1847 onde presenta a Topoloxía, publicado en Vorstudien zur Topologie, Vandenhoeck und Ruprecht, Göttingen, pp. 67, 1848.