Joan Alavedra

Na Galipedia, a Wikipedia en galego.
Saltar ata a navegación Saltar á procura
Joan Alavedra
Nacemento1896
 Barcelona
Falecemento1981
 Barcelona
NacionalidadeEspaña
Ocupaciónescritor, xornalista e poeta
FillosMacià Alavedra
editar datos en Wikidata ]

Joan Alavedra i Segurañas, nado en Barcelona en 1896 e finado en 1981, foi un escritor e xornalista catalán. Foi secretario da presidencia da Generalitat de Cataluña entre 1931 e 1934, durante as presidencias de Francesc Macià e Lluís Companys. No exilio, viviu en Prades (Francia), onde se encontraba decotío con Pompeu Fabra e a quen lle adicou un retrato literario en Personatges inoblidables (Barcelona, 1968). Foi biógrafo de Pau Casals, quen musicalizou, en forma de oratorio, o libro de Alavedra Poema del pessebre [1]

Autodidacta, iniciou a súa actividade xornalística en Ràdio Barcelona. Os guións da súa actividade en Ràdio Barcelona foron publicados na recompilación "El fet del dia" (1935). A súa obra principal é o "Poema del pessebre" (1948), a partir do cal Pau Casals compuxo o oratorio El Pessebre. É autor dunha biografía de Pau Casals publicada en 1962 e dunha obra de divulgación adicada ao público infantil e xuvenil ("L'extraordinària vida de Pau Casals", 1970). Outras obras publicadas son "Conxita Badía. Una vida d'artista" (1975), "Pelegrins en Montserrat i altres escrits" (1971) e a biografía de Francesc Macià "Francesc Macià. El camí cap a la Presidència de la Generalitat, 1859-1926".

Na súa xuventude compartiu amizade e tertulias políticas e culturais con Joan Salvat-Papasseit e Emili Eroles.[2]

Un dos seus fillos foi Macià Alavedra i Moner, ex-dirixente de CDC e Conseller de Governació e de Economía e Finanzas da Generalitat de Cataluña.

Notas[editar | editar a fonte]

  1. Cartes de Pompeu Fabra a l'exili, de Jordi Manent i Tomàs, publicado en AUSA · XIX · 145 (2000) p. 217-236.
  2. Esbós per a una biografia de Joan Salvat-Papasseit, de Tomàs Garcés, 1962. Publicat a Joan Salvat-Papasseit - Obra Completa, edició a cura de Carme Arenas Noguera, Cercle de Lectors / Galàxia Gutenberg, 2006.