Jesús Ares Otero
| Biografía | |||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 20 de novembro de 1933  (91 anos)Foz, España | ||||||||||||||||||||||||||||||||||||||||||
| Altura | 1,74 m. | ||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||
| Posición de xogo | Centrocampista | ||||||||||||||||||||||||||||||||||||||||||
| |||||||||||||||||||||||||||||||||||||||||||
Jesús Ares Otero, nado en Foz o 20 de novembro de 1933, é un exfutbolista galego que xogaba na demarcación de centrocampista.
Traxectoria
[editar | editar a fonte]Comezou a xogar ao fútbol no equipo xuvenil do Foz, pasando logo ao primeiro equipo.[1] Aos 16 anos foi estudar a Lugo e fichou pola Ximnástica Lucense, que lle pagaba os seus estudos.[2] Con este club debutou na Segunda División, nun partido diante do Lleida, e a continuación disputou a promoción de permanencia, sen éxito.
Durante as tempadas 1952/53 e 1953/54 militou no Racing de Ferrol, tamén de Segunda, época na que aproveitou para realizar o servizo militar e estudar Comercio.[2] A finais de marzo de 1954 fichou polo Celta de Vigo ao igual que Blas Artime, tamén procedente do Racing.
Debutou co Celta o 4 de abril de 1954 en Valencia, porén sería o único encontro que disputou esa tempada. Pese a que as primeiras tempadas non xogou demasiado na 1956/57 consagrouse no centro do campo do equipo xunto a Che Gutiérrez, dirixido por Alejandro Scopelli.
Ao finalizar esa tempada foi traspasado ao Atlético de Madrid por un prezo de 1 250 000 pesetas, porén non tivo continuidade en Madrid, polo que fichou polo CD Málaga da Segunda División. A continuación xogou catro tempadas no Salamanca e tres no Langreo, ata a súa retirada dos campos en 1966.
Tras deixar o fútbol foi armador de pesca e dirixiu dous barcos, o Siempre Quintanero e o Eliseo Quintanero, con base no porto da Coruña e que traballaban principalmente no Gran Sol.[2]
Vida persoal
[editar | editar a fonte]Casou en 1961 coa ponferradina Rosario Pardo Prada, coa que tivo tres fillos: Ana, Jesús e Celia.[2]
Notas
[editar | editar a fonte]- ↑ Tourón, M. (18 de setembro de 1954). "Nuevos en el Celta: Ares". El Pueblo Gallego (en castelán) (10177). p. 6. Consultado o 20 de outubro de 2022.
- ↑ 2,0 2,1 2,2 2,3 Míguez, Vicente (7 de xaneiro de 2022). "Aquel Quintanero de Foz na Primeira División do fútbol". El Progreso. Consultado o 20 de outubro de 2022.
Véxase tamén
[editar | editar a fonte]Ligazóns externas
[editar | editar a fonte]| Control de autoridades |
|
|---|
