Jesús Villaverde Rey
| Biografía | |
|---|---|
| Nacemento | 30 de outubro de 1897  Vilagarcía de Arousa, España |
| Morte | 25 de decembro de 1984 (87 anos) Vilagarcía de Arousa, España |
| Datos persoais | |
| País de nacionalidade | España |
| Actividade | |
| Ocupación | empresario , político |
| Lingua | Lingua castelá |
| Familia | |
| Irmáns | Elpidio Villaverde |
Jesús Villaverde Rey, coñecido como Achiño, nado en Vilagarcía de Arousa o 30 de outubro de 1897 e finado no mesmo concello o 25 de decembro de 1984, foi un empresario e político galego.
Traxectoria[editar | editar a fonte]
Fillo de Jesús Villaverde Buceta e Rosalía Rey Barreiro (natural da Arxentina), e irmán de Elpidio Villaverde. Foi elixido concelleiro de Vilagarcía de Arousa en 1931 e destituído polo Gobernador civil en agosto de 1934, acusado de falsidade en documento público. Absolto polo xulgado de Cambados, foi reposto no cargo o 19 de xaneiro de 1936 e elixido primeiro tenente alcalde.[1] Co golpe de Estado do 18 de xullo de 1936 foi detido en agosto e conducido á prisión de Pontevedra o 22 de outubro. Xulgado en Pontevedra en consello de guerra por rebelión militar o 21 de novembro con Luis Pando Rivero, Valentín Briones Rey, Manuel Oubiña López, José Otero Lago, Román Mondragón Cores, Ángel Navia Cores e Román Torrado Torrado, foi condenado a cadea perpetua.[2] Estivo preso no campo de concentración da illa de San Simón e foi trasladado ao penal de San Cristóbal de Pamplona en marzo de 1937. O 1 de febreiro de 1939 foi trasladado novamente o campo de concentración de Illa de San Simón. Finou en Vilagarcía de Arousa o 25 de decembro de 1984.[3]
Vida persoal[editar | editar a fonte]
Casou con María del Pilar Cameron-Walker Bolado e foi pai de María del Pilar, Jesús María e María del Carmen Villaverde Cameron.
Notas[editar | editar a fonte]
- ↑ El Pueblo Gallego, 21-1-1936, p. 13.
- ↑ El Pueblo Gallego, 22-11-1936, p. 3.
- ↑ Genealogía de Jesús Villaverde Castro
Véxase tamén[editar | editar a fonte]
Bibliografía[editar | editar a fonte]
- Abuín Duro, Marcelino (2018). La primavera rota. Vilagarcía de Arousa, 1936-1941. Abegondo: Sociedad Bibliográfica de Galicia. pp. 193–194. ISBN 978-84-09-02453-7.
Ligazóns externas[editar | editar a fonte]
- Jesús Villaverde Rey na páxina web Nomes e Voces.