Jesús Puente Fontanes

Na Galipedia, a Wikipedia en galego.
Jesús Puente Fontanes
Jesús Puente Fontanes.gif
Data de nacemento 19 de outubro de 1898
Lugar de nacemento A Estrada
Data de falecemento 5 de xuño de 1937
Lugar de falecemento Pontevedra
Nacionalidade España
Ocupación político
editar datos en Wikidata ]

Jesús Ignacio Puente Fontanes, nado na Cardavella (parroquia de Guimarei, no concello da Estrada) o 19 de outubro de 1898 e finado en Pontevedra o 5 de xuño de 1937, foi un político galego.

Traxectoria[editar | editar a fonte]

Tiña unha xastrería na rúa Pérez Viondi da Estrada. Vinculado ao sindicato agrario de Guimarei, figurou na candidatura do Centro Republicano que gañou as eleccións municipais de 1931, e foi elixido concelleiro e nomeado tenente alcalde na corporación que presidiu Juan Manuel Rodríguez Seijo. Cando no outono de 1934 hai unha crise no goberno municipal, pasou a ocupar a alcaldía, pero o 15 de outubro foi detido por orde militar debido aos sucesos de Asturias, aínda que foi liberado en poucos días. Foi Secretario de Propaganda de Izquierda Republicana en 1935. O 5 de maio de 1936 constituíuse a Comisión Xestora Municipal que o elixiu como alcalde presidente da mesma. Coa sublevación do 18 de xullo de 1936 foi detido e xulgado en Pontevedra por rebelión militar. Sentenciado a pena de morte, foi executado na Avenida de Bos Aires de Pontevedra o 5 de xuño de 1937.


Predecesor:
Juan Manuel Rodríguez Seijo
 Escudo de A Estrada.svg
Alcalde da Estrada
 
1936
Sucesor:
Pedro Gil Crespo

Véxase tamén[editar | editar a fonte]

Ligazóns externas[editar | editar a fonte]