Jerry Seinfeld

Na Galipedia, a Wikipedia en galego.
Jerry Seinfeld
Jerry Seinfeld 2011 Shankbone.JPG
Jerry Seinfeld en abril de 2011.
Nacemento Jerome Allen Seinfeld
29 de abril de 1954
Nova York, Estados Unidos
Profesión Actor, comediante (1976 - presente)
Páxina web oficial
Ficha na IMDb

Jerome Allen "Jerry" Seinfeld[1] (nado o 29 de abril de 1954, Brooklyn, Nova York), é un comediante en vivo, actor e escritor estadounidense. Lembrado pola súa participación na serie de comedia para televisión Seinfeld, transmitida de 1989 ata o 1998.

Biografía[editar | editar a fonte]

A popularidade de Jerry Seinfeld reside nun tipo de humor baseado na observación de feitos cotiáns. Nacido en Brooklyn, criado en Massapequa, o seu interese pola comedia empezou cando tiña oito anos e mirando a televisión sentía fascinado ao pensar que a alguén lle pagasen por facer rir aos demais. A Seinfeld sempre lle gustou máis a actuación fronte a unha audiencia en vivo que na televisión dicindo: Souben que ía ser un comediante a unha moi temperá idade, recordo que unha vez fixen rir a un amigo tan forte que me arroxou un bocado de biscoitos e leite encima. E encantoume. Ese foi o principio. El empezou nos clubs nocturnos a partir do momento en que graduouse da Universidade de Queens. En principio dedicouse a facer presentacións gratuítas, só para perfeccionar a súa actuación.

Naqueles momentos para sobrevivir recorreu a unha variedade de traballos estraños como vender ilegalmente lámpadas de luz por teléfono e vender xoias falsas na rúa. A pesar de todo nunca perdeu o seu soño: Toda a miña vida estiven tratando de rirme... estou obsesionado con ese movemento. Cando estás a rir, deixaches o teu corpo, deixaches o planeta... é unha experiencia incrible. O seu traballo rendeu froitos cando se converteu nun invitado regular do programa Late Night With David Letterman e The Tonight Show. O seu primeiro especial foi Jerry Seinfeld's Stand-up Confidential, transmitido en HBO durante 1987 e 1988. Na primavera de 1991 Jerry foi o condutor de Spy TV: How To Be Famous para a canle NBC e Aspen Comedy Festival para Showtime.

En 1989 déronlle a oportunidade de ter a súa propia comedia nunha canle. Co seu compañeiro Larry David (que foi usado como modelo para o neurótico George Costanza) presentaron a idea dun programa acerca de nada dedicando cada media hora do programa a sucesos triviais. O programa foi aceptado e ao principio chamábase Seinfeld Chronicles, pero despois pasouse a chamar simplemente Seinfeld.

Seinfeld é coñecido polo seu humor de observación, xeralmente acerca das relacións entre persoas e o incómodo coas obrigacións sociais. O Comedy Central considerouno un dos 12 máis importantes comediantes stand-up da historia no seu especial The 100 Greatest Standups Of All Time.[2]

Notas[editar | editar a fonte]